Viðskipti innlent

Frumvarp um að félög geti gert upp í erlendri mynt í ár

Lagt hefur verið fram á Alþingi frumvarp um að félög geti sótt um heimild ársreikningaskrár til að gera upp í erlendri mynt á þessu ári fyrir 15. desember.

Frumvarpið er lagt fram vegna sérstakra aðstæðna í íslensku efnahagslífi og breytinga á gengis íslensku krónunnar á árinu.

 

Fjallað er um málið á vefsíðu Samtaka iðnaðarins. Þar segir að í skýringum frumvarpsins segir að eigið fé félags í íslenskum krónum gefi í sumum tilvikum ekki rétta mynd af raunverulegri stöðu viðkomandi félags. Þetta eigi við í þeim tilvikum þegar íslenska krónan er ekki sá gjaldmiðill sem vegur hlutfallslega mest allra gjaldmiðla í viðskiptum viðkomandi félags á árinu.

 

Ársreikningaskrá er af þessum sökum heimilað að samþykkja afturvirkt beiðnir félaga um að gera upp í erlendri mynt á þessu ári. Þá er umsóknarfrestur fyrir reikningsárið 2009 framlengdur.





Mest lesið


Fleiri fréttir

Sjá meira


×

Mest lesið