Umboðsaðili Apple á Norðurlöndum gjaldþrota

Humac, umboðsaðli Apple á Norðurlöndum er gjaldþrota. Skuldirnar eru ekki undir einum milljarði króna en stærsti kröfuhafinn er Glitnir.

Humac rak 19 apple verslanir á Norðurlöndum en í þeim vinna um 250 manns. Stoðir Invest, sem að er að mestu í eigu Gaums, sem er að mestu í eigu Jón Ásgeirs Jóhannessonar, átti 29% í Humac.

Samkvæmt heimildum fréttastofu eru skuldir Humac ekki undir einum milljarði króna en stærstu kröfuhafarnir eru Glitnir og Apple í Bandaríkjunum.

Skiptastjóri félagsins hefur þegar selt allar 19 verslanirnar út úr þrotabúi Humac. Kaupendur eru Bjarni Ákason sem seldi hlut í félaginu fyrir einu og hálfur ári og Valdimar Grímsson en þeir gengu frá kaupunum nú á fimmtudaginn síðasta. Þeir yfirtaka ekki skuldir Humac meðal annars við Glitnir en taka þess í stað á sig launaskuldbindingar við starfsfólk.

Að sögn Bjarna lögðu þeir sitt eigið fé í þessi kaup og njóta ekki aðstoðar eins af íslensku viðskiptabönkunum. Bjarni vildi ekki gefa upp kaupverðið en það nemur samkvæmt heimdildum fréttastofu nokkrum hundruð millljónum króna. Humac var metið á einn og hálfan milljarð í fyrra.