David Suazo til Englands?

Newcastle United, Aston Villa og Everton hafa öll áhuga á sóknarmanninum David Suazo hjá Inter. Þessi 29 ára landsliðsmaður Hondúras er ekki í myndinni hjá Jose Mourinho.

Suazo er fyrrum leikmaður Cagliari en er sem stendur á lánssamningi hjá portúgalska liðinu Benfica. Þar spilar hann lykilhlutverk en Benfica trjónir á toppi deildarinnar.

Ítölsk lið hafa einnig áhuga á Suazo en þar eru Roma, Torino og Atalanta öll með augu á honum. Faðir Suazo er umboðsmaður hans og segir hann að það verði erfitt fyrir Benfica að halda syni sínum í janúar.