Haukar unnu auðveldan sigur í generalprufunni - myndir

Haukar unnu öruggan sex marka sigur á Fram í N1 deild karla í kvöld, 23-17, og enduðu um leið tveggja leikja taphrinu sína í deildinni. Haukar eru því áfram einir á toppnum.

Þetta var einskonar generalprufa fyrir bikarúrslitaleikinn eftir rúma viku en þá munu þessi sömu lið mætast í Laugardalshöllinni.

Vilhelm Gunnarsson, ljósmyndari Fréttablaðsins og Vísis, var á leiknum í Framhúsinu í kvöld og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.