Einn eigenda Warriors í ársbann fyrir að ýta við leikmanni | Myndband

NBA-deildin ákvað í gær að setja einn af eigendum Golden State Warriors í eins árs bann frá deildinni eftir að hann ýtti hraustlega við leikmanni Toronto á dögunum.

Kappinn heitir Mark Stevens og á lítinn hlut í félaginu. Hann fékk líka sekt upp á 62 milljónir króna. Golden State harmaði líka þessa hegðun og hefur ekkert út á bannið að setja.

Kyle Lowry was shaking his head after a courtside fan pushed him when he fell into the crowd. pic.twitter.com/5SwQv3hdnN

— NBA on ESPN (@ESPNNBA) June 6, 2019

Leikmaðurinn sem Stevens stuggaði við var Kyle Lowry og hann sagði Stevens hafa verið með stæla við sig allan leikinn.

„Þessi gæi er ekki góð auglýsing fyrir eigendahópinn. Hann á ekki að vera hluti af deildinni. Við höfum ekkert við svona kóna að gera. Menn sem haga sér svona. Ég ætla ekki að ljúga en ég var brjálaður út í hann,“ sagði Lowry.

Stevens hefur þegar beðist afsökunar á hegðun sinni og sættir sig við þá refsingu sem hann fékk.