Sjáðu mark Gylfa gegn Chelsea

Gylfi Þór Sigurðsson átti þátt í báðum mörkum Everton sem vann Chelsea í stærsta leik helgarinnar í ensku úrvalsdeildinni.

Gylfi átti hornspyrnuna sem fyrra mark Everton kom upp úr, en fær þó ekki stoðsendingu þar sem markið kom ekki beint eftir hans spyrnu.

Hann á hins vegar seinna markið sjálfur, Everton fékk vítaspyrnu sem Gylfi tók. Spyrnan klikkaði en hann fylgdi eftir og setti frákastið í netið.

Í hinum leik gærdagsins var James Milner hetja Liverpool með marki af vítapunktinum í sigri á Fulham.

Sadio Mane hafði komið Liverpool yfir í fyrri hálfleik en Ryan Babel jafnaði fyrir Fulham eftir mistök Virgil van Dijk.

Öll mörkin og helstu atvik úr leikjunum má sjá hér að neðan.

Everton - Chelsea 2-0 Fulham - Liverpool 1-2