Fótbolti

Styttan af Zlatan gæti hrunið

Henry Birgir Gunnarsson skrifar
Gleðin var við völd er styttan var afhjúpuð en síðan hefur mikið vatn runnið til sjávar.
Gleðin var við völd er styttan var afhjúpuð en síðan hefur mikið vatn runnið til sjávar. vísir/getty

Reiðir stuðningsmenn Malmö eru ekkert hættir að skemma styttuna af Zlatan Ibrahimovic og virðist aðeins vera tímaspursmál hvenær búið verður að rústa styttunni.

Það er ekkert langt síðan styttan var reist fyrir utan heimavöll félagsins borgarbúum til mikillar gleði enda Zlatan frægasti sonur borgarinnar.

Ástandið á styttunni er ekki gott.

Svíinn tók síðan þá stórfurðulegu ákvörðun að kaupa 25 prósent í Hammarby. Sú ákvörðun fór vægast sagt illa í stuðningsmenn Malmö sem réðust strax að styttunni og reyndu meira að segja að kveikja í henni.

Í gær voru síðan menn mættir með sagir og gerðu heiðarlega tilraun til þess að saga styttuna niður. Það tókst ekki alveg þó svo sjái vel á styttunni.

Lögreglan hefur nú sett girðingu í kringum styttuna því hún gæti fallið. Þá væri verra að vera undir henni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.