Viðskipti innlent

Vikur frekar en mánuðir í fyrsta flug Ballarin

Kristín Ólafsdóttir skrifar
Michele Ballarin er stjórnarformaður US Aerospace Associates LLC. Hún hyggst endurreisa flugfélagið Wow air.
Michele Ballarin er stjórnarformaður US Aerospace Associates LLC. Hún hyggst endurreisa flugfélagið Wow air. Vísir/Baldur

Aðstandendur hins endurreista flugfélags Wow air vonast til þess að vera komin í loftið innan vikna frekar en mánaða. Undirbúningsferlið hefur verið tímafrekara en búist var við, bæði vegna hindrana sem orðið hafa á vegi skipuleggjenda, og nýrra tækifæra.  

Upphaflega var lagt upp með að áætlunarflug Wow air, sem bandaríska athafnakonan Michelle Ballarin hyggst endurreisa, á milli Keflavíkur og Washington gæti hafist í október.

Í byrjun október var haft eftir Ballarin að hefja ætti sölu á flugmiðum í nóvember og að allt yrði komið á fullt hjá félaginu í desember. Þær spár hafa þó ekki ræst.

Almannatengillinn Gunnar Steinn Pálsson, sem komið hefur að undirbúningi endurreisnarinnar, ítrekar í samtali við Vísi það sem hann tjáði fréttastofu fyrr í vetur: að ferlið hafi reynst tímafrekara en von var á. Undirbúningsvinnan sé þó enn í fullum gangi – allt sé á réttri reið, en ef til vill ekki á þeim hraða sem lagt var upp með í fyrstu.

Tafirnar skrifist þannig annars vegar á ákveðnar hindranir sem orðið hafi í vegi aðstandenda félagsins. Hins vegar hafi komið upp ýmis ný tækifæri og nýjar forsendur, sem tilefni hafi verið til að taka til skoðunar, og ferlinu frestað enn frekar.

Á meðal þess sem Ballarin keypti úr þrotabúi Wow air eru fjólubláu búningarnir, margvíslegar rekstrarvörur, varahlutir, bókunartækni og handbækur. Vísir/Vilhelm

Play hafi engin áhrif

Vinnan gengur þó vel, að sögn Gunnars. Þannig sé tíminn í fyrsta flug Wow air frekar mældur í vikum en mánuðum, þó ekki sé hægt að gefa upp nákvæma dagsetningu. Eins og áður hefur komið fram verða fraktflutningar á fiski og öðrum varningi stór hluti starfseminnar, í það minnsta fyrst um sinn.

„Í þessum allra fyrstu ferðum á milli Keflavíkur og Washington verður, samhliða farþegafluginu í efra rýminu, lögð höfuðáhersla á góða nýtingu í vöruflutningarýminu,“ segir Gunnar.

Inntur eftir því hvort hið nýstofnaða lággjaldaflugfélag Play hafi haft einhver áhrif á framgang starfseminnar segir Gunnar svo ekki vera.

Þá kveðst hann ekki vilja upplýsa neitt um einstaka þætti undirbúningsins, til dæmis leigu á húsnæði undir starfsemina hérlendis. Um starfsfólks félagsins segir Gunnar að það verði blanda af íslensku og erlendu vinnuafli en ekki sé komið á hreint hvernig hlutföllin verði í þeim efnum. Þá vill hann heldur ekki upplýsa um mögulegar heimsóknir Ballarin til Íslands, hvorki nýliðnar né væntanlegar, en síðasta staðfesta heimsókn hennar til landsins var í lok október.

Komið hefur fram að Ballarin greiddi 50 milljónir króna fyrir eignirnar sem hún keypti úr þrotabúi WOW air. Þeirra á meðal eru fjólubláu búningarnir, margvíslegar rekstrarvörur, varahlutir, bókunartækni og handbækur. 


Tengdar fréttir

3,7 milljarða forgangskröfur samþykktar í þrotabú WOW air

Búið er að samþykkja níu hundruð forgangskröfur er nema alls 3,7 milljörðum króna í þrotabú WOW air. Boðað var til skiptafundar í þrotabúinu á Nordica hótel í dag og að sögn Þorsteins Einarssonar skiptastjóra voru flestar forgangskröfur samþykktar.

WOW enn á flugi í Tælandi

Þrátt fyrir að starfsemi WOW air hafi verið stöðvuð þann 28. mars síðastliðinn má enn sjá vél flugfélagsins bregða fyrir í háloftunum.

Fiskur frekar en farþegar til að byrja með

Áherslur hins nýja WOW air sem bandaríska athafnakonan Michelle Ballarin hyggst endurreisa verða á fraktflutninga fremur en farþegaflug til að byrja með. Ballarin kom til Íslands um helgina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.