Sportpakkinn: Martin sýndi frábæra takta í Grikklandi

Martin Hermannsson átti stórleik í tvíframlengdum leik í EuroLeague með Alba Berlin í gærkvöld. Alba mætti gríðarsterku liði Panathinaikos á útivelli.

Guðjón Guðmundsson tók saman það helsta úr leiknum í Sportpakkanum.

Leikurinn var æsispennandi frá upphafi til enda og var það Martin sem jafnaði metin fyrir Alba Berlin á síðustu sekúndum leiksins í 88-88 svo framlengja þurfti leikinn.

Martin skoraði 20 stig og gaf 10 stoðsendingar í leiknum.

Hann jafnaði aftur metin undir lok fyrri framlengingarinnar og voru Þjóðverjarnir sterkari í seinni framlengingunni og unnu 106-105.

Þetta var annar sigur Alba Berlin í keppninni.