Kári í jötunmóð í byrjun tímabils Benedikt Bóas Hinriksson skrifar 1. nóvember 2019 10:30 Kári ásamt börnum sínum en guttinn er forfallinn í fótbolta en Klara er í handbolta og finnst stórkostlegt að sjá pabba gamla valinn í landsliðið. „Þetta var, að ég hélt, skip sem hafði siglt. En mig langaði að sjá hvort ég væri ennþá með þetta og það er alltaf gaman að mæla sig við þá bestu. Ég er alveg keppnismaður og það er gaman að sjá hvar maður stendur gegn þessum stóru jöxlum. Svo er ekkert leyndarmál að það er ekkert leiðinlegt að spila með Aroni Pálmarssyni,“ segir Kári Kristján Kristjánsson, línumaður ÍBV, sem spilaði nýverið tvo æfingalandsleiki með íslenska landsliðinu gegn Svíum – svo eftir var tekið. Kári fór út til Svíþjóðar 34 ára gamall en kom heim 35 ára því að hann átti afmæli þegar flogið var heim á leið. „Það var ógleymanlegur afmælisdagur. Vaknað snemma, farið í rútu í þrjá tíma til að bíða á flugvellinum og fljúga svo í þrjá tíma heim til Íslands. Bíða í Keflavík til að keyra að Landeyjahöfn í tvo og hálfan klukkutíma og fara í dallinn í klukkutíma. Ekkert væl. Það þýðir ekkert,“ segir hann léttur sem fyrr. Hann bætir því við að hann muni blása til veislu fyrr en síðar enda ekki á hverjum degi sem stórafmæli bankar upp á. „Maður verður að fagna tímamótum því maður veit aldrei hvenær kallið kemur.“ Hann segist vera ánægður með frammistöðu sína í þessum tveimur leikjum. „Ég segi fyrir mína parta að ég er mjög ánægður með útkomuna úr þessum tveimur leikjum í Svíþjóð. Er helvíti sáttur. Ef þetta er eitthvað sem menn vilja treysta á þá er ég fær í flestan sjó.“Kári Kristján Kristjánsson í kunnuglegri stellingu, inni á línu, búinn að hrista af sér varnarmann og við það að setja boltann í netið. Fréttablaðið/ErnirEngin tengiskrift Það eru kunnugleg stef þegar tölfræði Kára í deildinni er skoðuð. Tæp fjögur mörk í leik, um 80 prósenta nýting og rétt tvö víti fiskuð í leik. „Það er ekkert nýtt undir sólinni þar og ég er ekki að fara að rífa einhverjar kanínur upp úr töfrahattinum. Þetta er engin tengiskrift – þarf ekkert að vera flókið, en ég neita því ekki að það er aðeins meiri kraftur í manni en áður. Ég tók drullugott sumar. Áherslan að undanförnu hefur verið þannig hjá mér að leggja meiri áherslu á aflraunir en hinar hefðbundnu lyftingar. Ég labbaði úti með drasl á bakinu og var að halda á kútum og þannig í bland við þetta hefðbundna.“ Hann segir að skrokkurinn sé í fínu lagi þó hann sjái aðeins eftir því að hafa ekki alltaf verið þungur. „Ég hefði alveg verið til í að vera alltaf svona þungur, miðað við hvernig ferillinn er búinn að þróast. Þegar er komið út í þennan alþjóðabolta þá telja kílóin mikið,“ segir Kári sem lék í Sviss, Þýskalandi og Danmörku á atvinnumannsferlinum áður en hann sneri aftur heim til Íslands árið 2015. Kári skoraði jöfnunarmarkið fyrir ÍBV gegn Haukum á þriðjudag þegar tvær sekúndur voru eftir. Hann segir að leikirnir gegn Haukum séu alltaf skemmtilegir. „Það er ekkert leyndarmál að þessi lið leggja af stað inn í hvert tímabil til að taka dollur. ÍBV er komið á þann stað að það er reiknað með titli sem er geggjað. Alveg hrikalega gaman að taka þátt í því. Þetta eru stórir leikir. Það er blóð sviti og tár og allt þetta helsta. Það voru fullt af hlutum sem féll ekki með okkur. Þetta leit ekkert sérstaklega vel út á tímabili og ef mér hefði verið boðið stigið þegar fimm mínútur voru eftir hefði ég þegið það. En mér fannst, þegar við stilltum upp, við vera með sterk tök sóknarlega en við erum svolítið óheppnir.“ Um Olís-deildina segir hann að margt eigi eftir að gerast enda hún nýfarin af stað og aðeins sjö leikir búnir hjá hverju liði. „Það er viðbúið að það gerist alltaf eitthvað óvænt. Það eru bara sjö leikir búnir og við erum ekki komnir heila umferð. Tökum spjall þegar heil umferð er búin – þá skal ég segja þér eitthvað.“ Birtist í Fréttablaðinu Olís-deild karla Mest lesið Var spáð falli en eru á leið í Meistaradeildina Fótbolti „Eins og að spila við landslið Þýskalands nasismans“ Sport Verstappen á ráspól og jafnaði 35 ára gamalt met Formúla 1 Lowry hástökkvari dagsins og blandar sér í baráttuna Golf Ótrúlegir yfirburðir tryggðu tíunda bikarmeistaratitilinn Fótbolti Stutt gaman hjá Birki er Brescia missti af sæti í efstu deild Fótbolti Klökkur Jóhann Berg beygði af í viðtali Enski boltinn Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti AC Milan hleypti Torino inn í Evrópubaráttu Fótbolti Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Fleiri fréttir Uppgjörið,viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM Sjá meira
„Þetta var, að ég hélt, skip sem hafði siglt. En mig langaði að sjá hvort ég væri ennþá með þetta og það er alltaf gaman að mæla sig við þá bestu. Ég er alveg keppnismaður og það er gaman að sjá hvar maður stendur gegn þessum stóru jöxlum. Svo er ekkert leyndarmál að það er ekkert leiðinlegt að spila með Aroni Pálmarssyni,“ segir Kári Kristján Kristjánsson, línumaður ÍBV, sem spilaði nýverið tvo æfingalandsleiki með íslenska landsliðinu gegn Svíum – svo eftir var tekið. Kári fór út til Svíþjóðar 34 ára gamall en kom heim 35 ára því að hann átti afmæli þegar flogið var heim á leið. „Það var ógleymanlegur afmælisdagur. Vaknað snemma, farið í rútu í þrjá tíma til að bíða á flugvellinum og fljúga svo í þrjá tíma heim til Íslands. Bíða í Keflavík til að keyra að Landeyjahöfn í tvo og hálfan klukkutíma og fara í dallinn í klukkutíma. Ekkert væl. Það þýðir ekkert,“ segir hann léttur sem fyrr. Hann bætir því við að hann muni blása til veislu fyrr en síðar enda ekki á hverjum degi sem stórafmæli bankar upp á. „Maður verður að fagna tímamótum því maður veit aldrei hvenær kallið kemur.“ Hann segist vera ánægður með frammistöðu sína í þessum tveimur leikjum. „Ég segi fyrir mína parta að ég er mjög ánægður með útkomuna úr þessum tveimur leikjum í Svíþjóð. Er helvíti sáttur. Ef þetta er eitthvað sem menn vilja treysta á þá er ég fær í flestan sjó.“Kári Kristján Kristjánsson í kunnuglegri stellingu, inni á línu, búinn að hrista af sér varnarmann og við það að setja boltann í netið. Fréttablaðið/ErnirEngin tengiskrift Það eru kunnugleg stef þegar tölfræði Kára í deildinni er skoðuð. Tæp fjögur mörk í leik, um 80 prósenta nýting og rétt tvö víti fiskuð í leik. „Það er ekkert nýtt undir sólinni þar og ég er ekki að fara að rífa einhverjar kanínur upp úr töfrahattinum. Þetta er engin tengiskrift – þarf ekkert að vera flókið, en ég neita því ekki að það er aðeins meiri kraftur í manni en áður. Ég tók drullugott sumar. Áherslan að undanförnu hefur verið þannig hjá mér að leggja meiri áherslu á aflraunir en hinar hefðbundnu lyftingar. Ég labbaði úti með drasl á bakinu og var að halda á kútum og þannig í bland við þetta hefðbundna.“ Hann segir að skrokkurinn sé í fínu lagi þó hann sjái aðeins eftir því að hafa ekki alltaf verið þungur. „Ég hefði alveg verið til í að vera alltaf svona þungur, miðað við hvernig ferillinn er búinn að þróast. Þegar er komið út í þennan alþjóðabolta þá telja kílóin mikið,“ segir Kári sem lék í Sviss, Þýskalandi og Danmörku á atvinnumannsferlinum áður en hann sneri aftur heim til Íslands árið 2015. Kári skoraði jöfnunarmarkið fyrir ÍBV gegn Haukum á þriðjudag þegar tvær sekúndur voru eftir. Hann segir að leikirnir gegn Haukum séu alltaf skemmtilegir. „Það er ekkert leyndarmál að þessi lið leggja af stað inn í hvert tímabil til að taka dollur. ÍBV er komið á þann stað að það er reiknað með titli sem er geggjað. Alveg hrikalega gaman að taka þátt í því. Þetta eru stórir leikir. Það er blóð sviti og tár og allt þetta helsta. Það voru fullt af hlutum sem féll ekki með okkur. Þetta leit ekkert sérstaklega vel út á tímabili og ef mér hefði verið boðið stigið þegar fimm mínútur voru eftir hefði ég þegið það. En mér fannst, þegar við stilltum upp, við vera með sterk tök sóknarlega en við erum svolítið óheppnir.“ Um Olís-deildina segir hann að margt eigi eftir að gerast enda hún nýfarin af stað og aðeins sjö leikir búnir hjá hverju liði. „Það er viðbúið að það gerist alltaf eitthvað óvænt. Það eru bara sjö leikir búnir og við erum ekki komnir heila umferð. Tökum spjall þegar heil umferð er búin – þá skal ég segja þér eitthvað.“
Birtist í Fréttablaðinu Olís-deild karla Mest lesið Var spáð falli en eru á leið í Meistaradeildina Fótbolti „Eins og að spila við landslið Þýskalands nasismans“ Sport Verstappen á ráspól og jafnaði 35 ára gamalt met Formúla 1 Lowry hástökkvari dagsins og blandar sér í baráttuna Golf Ótrúlegir yfirburðir tryggðu tíunda bikarmeistaratitilinn Fótbolti Stutt gaman hjá Birki er Brescia missti af sæti í efstu deild Fótbolti Klökkur Jóhann Berg beygði af í viðtali Enski boltinn Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti AC Milan hleypti Torino inn í Evrópubaráttu Fótbolti Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Fleiri fréttir Uppgjörið,viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM Sjá meira