Þriðji NBA-leikmaðurinn dæmdur í 25 leikja bann fyrir að nota ólögleg lyf

John Collins, ein stærsta stjarna Atlanta Hawks, hefur verið dæmdur í 25 leikja bann fyrir brot á lyfjareglum NBA-deildarinnar í körfubolta.

Atlanta forward John Collins has been suspended 25 games for violating NBA's Anti-Drug policy.

— Adrian Wojnarowski (@wojespn) November 5, 2019

Frá því í sumar hafa þrír leikmenn í NBA verið dæmdir í 25 leikja bann fyrir að nota ólögleg lyf. DeAndre Ayton, leikmaður Phoenix Suns, og Wilson Chandler, leikmaður Brooklyn Nets, fengu sömu refsingu og Collins.

Since the summer, that's three players -- Brooklyn's Wilson Chandler, Phoenix's DeAndre Ayton and now Atlanta's John Collins -- hit for 25 games in violation of NBA/NBPA Anti-Drug policy.

— Adrian Wojnarowski (@wojespn) November 5, 2019

Collins ætlar að áfrýja banninu og freistar þess að fá það stytt.

Ef það gengur ekki eftir þarf Collins að bíða fram á Þorláksmessu eftir að geta spilað afturmeð Atlanta.

Collins var valinn númer 19 í nýliðavalinu 2017. Það sem af er tímabili er hann með 17,0 stig og 8,8 fráköst að meðaltali í leik. Collins er með frábæra þriggja stiga nýtingu, eða 47,4%.