Viðskipti innlent

Alvotech undirritar „sérstaklega ábatasaman“ samning

Stefán Ó. Jónsson skrifar
Róbert Wessman, stofnandi og stjórnarformaður Alvotech, segist ánægður með samninginn.
Róbert Wessman, stofnandi og stjórnarformaður Alvotech, segist ánægður með samninginn. Alvotech
Stjórnendur líftæknifyrirtækisins Alvotech hafa undirritað samstarfssamning við STADA Arzneimittel AG, alþjóðlegt lyfjafyrirtæki, um markaðssetningu á sjö líftæknilyfjum Alvotech á öllum helstu „lykilmörkuðum“ í Evrópu og völdum mörkuðum utan álfunnar. Frá þessu er greint á vef Alvotech, án þess þó að greina frá áætluðu virði samningsins sem Mannlíf telur að geti hlaupið á tugum milljarða króna.



Í útlistun Alvotechs er tekið fram að fyrirtækið muni bera ábyrgð á þróun, skráningu og framboði lyfjanna en markaðssetning þeirra verði á könnu STADA. Líftæknilyfin eru meðal annars sögð henta við meðhöndlun á krabbameini, göllum í ónæmiskerfi, bólgum, gigt og psoriasis.



Alvotech áætlar í tilkynningu sinni að árlega seljist frumlyfin fyrir um 50 milljarða dala á heimsvísu og því sé samningur fyrirtækjanna tveggja „sérstaklega ábatasamur.“ Hann feli í sér fyrirframgreiðslu, auk áfangagreiðsla á næstu fjórum árum.



Haft er eftir Róberti Wessman, stofnanda og stjórnarformanni Alvotech, að um „mikilvægt augnablik fyrir líftæknilyf“ sé að ræða. Samningurinn við STADA sé áfangi í frekari uppbyggingu Alvotech og markar lokahnykkinn á „stórfenglegu“ rekstrarári. Í því samhengi má nefna kaup fjárfestingafélagsins Yas Holding á hlutafé í Alvotech fyrir um 5,3 milljarðar króna, yfirlýsingar um ráðningu á 100 vísindamönnum og klínískar prófanir á fyrsta lyfi fyrirtækisins.



Stjórnarformaður STADA er álíka ánægður. Samningurinn geri fyrirtækinu kleift að styrkja markaðsstöðu sína á sviði líftæknilyfja. Starfsmenn STADA hlakki til að færa sjúklingum hágæða lyf og hagkvæman valkost, að sögn Peter Goldschmidt, en hjá STADA starfa næstum 10.500 manns.

Tengd skjöl




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SIMINN
1,19
5
173.850
VIS
0,95
3
134.545
REGINN
0,94
11
30.161
ICEAIR
0,85
6
5.313
FESTI
0,71
5
77.327

Mesta lækkun dagsins


Félag
Br.%
Fjöldi
Velta*
KVIKA
-0,19
9
47.741
MAREL
0
6
94.442
HAGA
0
1
29.040
Velkomin á Vísi. Þessi vefur notar vafrakökur. Sjá nánar.