Fótbolti

Mikilvægur sigur Alfreðs

Anton Ingi Leifsson skrifar
Alfreð í leik fyrr á leiktíðinni.
Alfreð í leik fyrr á leiktíðinni. vísir/getty

Alfreð Finnbogason og félagar hans í Augsburg unnu mikilvægan sigur í þýsku úrvalsdeildinni í dag er Augsburg vann 1-0 sigur á SC Paderborn 07.

Fyrsta og eina mark leiksins kom á 41. mínútu er Philipp Max skoraði en Alfreð fór af velli í uppbótartíma. Liðið komst upp úr fallsæti með sigrinum.





Álasund vann 3-1 sigur á Sandefjord í Íslendingaslag í norsku B-deildinni. Bæði lið voru fyrir leikinn búin að tryggja sér sæti í norsku úrvalsdeildinni á næstu leiktíð.

Emil Pálsson lék allan leikinn fyrir Sandefjord en Viðar Ari Jónsson var fjarri góðu gamni. Daníel Leó Grétarsson spilaði allan leikinn fyrir Álasund en Davíð Kristján Ólafsson kom inn sem varamaður á 62. mínútu.

Aron Sigurðarson var ekki í leikmannahópi Start vegna meiðsla er liðið vann 2-0 sigur á Notodden í sömu deild. Jóhannes Harðarson er þjálfari Start sem er nú á leið í umspil um laust sæti í norsku úrvalsdeildinni.

Sveinn Aron Guðjohnsen var ónotaður varamaður er Spezia tapaði 3-2 fyrir Pisa á útivelli í ítölsku B-deildinni. Spezia er í 15. sæti deildarinnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.