Körfubolti

Oklahoma niðurlægði Golden State

Henry Birgir Gunnarsson skrifar
Stephen Curry svekktur.
Stephen Curry svekktur. vísir/getty
Tímabilið fer ekki vel af stað hjá Golden State Warriors í NBA-deildinni og í gær steinlá liðið gegn Oklahoma City Thunder sem var að vinna sinn fyrsta leik í vetur.

Stephen Curry var skástur í liði Golden State með 23 stig en liðsfélagar hans hittu aðeins úr 23 skotum af 74. Liðið hefur nú tapað báðum sínum leikjum í vetur.

„Þetta er óþolandi. Það hafa allir gengið í gegnum svona tíma fyrir utan Tim Duncan en það breytir því ekki að þetta er óþolandi,“ sagði Draymond Green, leikmaður Warriors, en hans lið var undir 70-37 í hálfleik.

Anthony Davis skoraði 29 stig og tók 14 fráköst í stórsigri LA Lakers á Charlotte. LeBron James bætti við 20 stigum og 12 stoðsendingum. Dwight Howard minnti líka á sig með 16 stigum og 10 fráköstum.

Úrslit:

LA Lakers-Charlotte  120-101

Chicago-Toronto  84-108

Indiana-Cleveland  99-110

New Orleans-Houston  123-126

Utah-Sacramento  113-81

San Antonio-Washington  124-122

Phoenix-LA Clippers  130-122

Oklahoma-Golden State  120-92

Memphis-Brooklyn  134-133

Dallas-Portland  119-121

Minnesota-Miami  116-109

NBA



Fleiri fréttir

Sjá meira


×