Bílar

Jaguar I-Pace er bíll ársins 2020

Kristinn Ásgeir Gylfason skrifar
Jaguar I-Pace hlýtur nafnbótina bíll ársins 2020.
Jaguar I-Pace hlýtur nafnbótina bíll ársins 2020. BÍBB/HAG
Bandalag íslenskra bílablaðamanna (BÍBB) hefur valið bíl ársins. Jaguar I-Pace hefur hlotið heiðurinn að þessu sinni. Annað sætir hreppir Audi e-tron quattro og í þriðja sæti er Mercedes Benz EQC.



Jaguar I-Pace heillaði dómnefndina með aksturseiginleikum sínum og frammistöðu í akstri ásamt þess að þykja þægilegur að sitja í.



Í flokki minni fjölskyldubíla hafði Toyota Corolla vinninginn, Mazda 3 varð í öðru sæti á undan Volkswagen T-Cross. Peugeot 508 vann keppni stærri fjölskyldubíla, í öðru sæti var Mercedes Benz B-Class og Toyota Camry varð í þriðja sæti.



SsangYoung Rexton hafði vinninginn í jeppaflokki, næstur kom Jeep Wrangler og Suzuki Jimny varð þriðji. Jepplingaflokkinn vann Toyota RAV4, Mazda CX-30 varð annar og Honda CRV varð þriðji.

Frá prófunardegi BÍBBVísir/KÁG
Rafbílar

Í flokki rafbíla varð Kia e-Soul hlutskarpastur og Hyundai Kona EV í öðru sæti á undan Opel Ampera sem varð í þriðja sæti.



Rafjepparnir þrír skipuðu sér í fyrstu þrjú sætin í heildarvalinu. Jaguar I-Pace vann flokk rafjeppa og hafði heildarvinninginn. Audi e-tron quattro varð annar bæði í flokknum og heildarvali og Mercedes EQC varð þriðji.

Tengd skjöl


Tengdar fréttir

Forvali lokið fyrir Bíl ársins

Nú hefur forvalsnefnd lokið vali á þeim bílum sem keppa til úrslita um nafnbótina Bíll ársins að mati Bandalags íslenskra bílablaðamanna (BÍBB).




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.