Mount: Átti ekki von á að byrja svona vel

Ungstirnið Mason Mount átti ekki von á því að ferill hans í ensku úrvalsdeildinni myndu fara eins vel af stað og hann hefur gert.

Mount var á meðal markaskorara í 4-1 sigri Chelsea á Southampton í dag. Hann er nú kominn með fjögur mörk í átta leikjum í deildinni.

„Þú þarft að hafa trú á sjálfum þér, en ef ég á að vera hreinskilinn þá hélt ég ekki að þetta myndi byrja svona vel,“ sagði Mount eftir leikinn í dag.

„Það eru allir að leggja hart að sér og það sést hversu mikla þýðingu þetta hefur fyrir okkur.“

Sigurinn á St. Mary's vellinum í Southampton í dag var nokkuð þægilegur fyrir Chelsea.

„Okkur hefur gengið vel á útivelli. Það eru hlutir sem við getum lagað, við fengum á okkur mark og áttum slæman kafla, en við höfum staðið okkur vel á útivelli.“

„Þetta lið er að ganga í gegnum breytingar en það hefur ekki áhrif á okkur. Við viljum komaset eins hátt í töflunni og við getum.“