Innlent

80 grömm af kannabisefni í söluumbúðum vandlega falin

Tryggvi Páll Tryggvason skrifar
Lögreglan á Norðurlandi vestra hefur áhyggjur af fjölgun fíkniefnamála í umdæminu.
Lögreglan á Norðurlandi vestra hefur áhyggjur af fjölgun fíkniefnamála í umdæminu. Vísir/Vilhelm

Tveir sitja nú í fangageymslum lögreglunnar á Norðurlandi vestra grunaður um að hafa haft í fórum sínum 80 grömm af kannabisefnum í söluumbúðum. Lögreglan vestra segir fíkniefnamálum í umdæminu hafi fjölgað gríðarlega.

Mennirnir tveir voru stöðvaðir við akstur og mældist bæði kókaín og kannabisefni í þvagi mannsins. Lögreglan naut aðstoðar fíkniefnahunds við leit í bíl mannanna en efnin sem fundust voru vandlega falin í vélarými bílsins.

Í tilkynningu frá lögreglunni segir einnig að fíkniefnahundurinn hafi haft nóg að gera að undanförnu, ásamt lögreglumönnum. Frá síðustu helgi hafi sex ökumenn verið stöðvaðir í akstri undir áhrifum ávana- og fíkniefna og fimm mál hafi komið er varða vörslu ávana- og fíkniefna.

Þar voru haldlögð alls 60 grömm af kannabisefni ætluð til sölu. Þau efni fundust í húsleit sem og í leit í ökutækjum.

Segir að lokum í tilkynningunni að fíkniefnamálum í embættinu hefur fjölgað gríðarlega sé það verulegt áhyggjuefni að mati lögreglunnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.