Loks lönduðu Solskjær og hans menn þremur stigum

Runólfur Trausti Þórhallsson skrifar
Rashfod fagnar sigurmarki dagsins.
Rashfod fagnar sigurmarki dagsins. vísir/getty

Sigurinn var einkar tæpur en eina mark leiksins kom strax í upphafi. Caglar Soyuncu braut þá klaufalega á Marcus Rashford innan vítateigs og vítaspyrna umsvifalaust dæmd. 

Rashford sjálfur fór á punktinn og skoraði af miklu öryggi en mikið þras hefur verið í vetur yfir vítaspyrnum United en Paul Pogba klúðraði víti í 1-1 jafnteflinu gegn Wolves og þá klikkaði Rashford í 2-1 tapinu gegn Crystal Palace. 

Eftir þetta var leikurinn nokkuð jafn á öllum vígstöðvum en David De Gea, sem hefur víst samþykkt nýjan samning, átti nokkrar góðar vörslur og sá til þess að United landaði stigunum þremur. Rashford var svo nálægt því að skora sitt annað mark í leiknum undir lok leiks þegar aukaspyrna hans fór í slá og yfir. 

Lokatölur 1-0 og annar sigur United á leiktíðinni staðreynd sem og fyrsta tap Leicester. 

Ole Gunnar Solskjær og lærisveinar hans eru því komnir með átta stig og sitja í 4. sæti á meðan lið Brendan Rodgers er einu sæti neðar með lakari markatölu.

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
    Velkomin á Vísi. Þessi vefur notar vafrakökur. Sjá nánar.