Viðskipti innlent

Skeljungur kaupir allt hlutafé í skuldsettum eiganda Kvikk og 10-11 á 30 milljónir

Kolbeinn Tumi Daðason skrifar
Verslunum 10-11 hefur farið fækkandi en Samkaup keypti stóran hluta verslananna árið 2018 og breytti í Krambúðir.
Verslunum 10-11 hefur farið fækkandi en Samkaup keypti stóran hluta verslananna árið 2018 og breytti í Krambúðir. Fréttablaðið/Vilhelm

Olíufélagið Skeljungur hefur keypt allt hlutafé í Basko ehf sem rekur verslanir 10-11 og Kvikk á bensínstöðvum Skeljungs. Þetta kemur fram í tilkynningu Skeljungs til Kauphallar. Kaupin eru gerð með nokkrum fyrirvörum meðal annars um samþykki Samkeppniseftirlitsins. Kaupverðið nemur 30 milljónum króna en um leið tekur Skeljungur yfir 300 milljóna króna skuldir.

Basko á fimm 10-11 verslanir og rekur fjórtán verslanir undir merkjum Kvikk sem eru reknar við bensínstöðvar Skeljungs. Þá á Basko veitingastaðinn Bad Boys Burgers & Grill, verslunina Kvosina, auk matvöruverslana í Reykjanesbæ og á Akureyri. Undanskilið frá kaupunum er 50% eignarhlutur Basko í Eldum Rétt ehf. Basko er í meirihlutaeigu Horns III slhf., framtakssjóðs.

Árni Pétur Jónsson, forstjóri Skeljungs, ætti að þekkja vel til reksturs 10-11 sem hann stýrði um árabil. Árni Pétur var forstjóri 10-11 um tíma og síðar Basko. Árni Pétur var ráðinn forstjóri Skeljungs í ágúst.

Jón Ásgeir Jóhannesson settist á dögunum í stjórn Skeljungs sem fulltrúi 365 miðla, félags í eigu eiginkonu hans Ingibjargar Pálmadóttur. Félagið á 4,32 prósent í Skeljungi. Árni Pétur og Jón Ásgeir þekkjast vel frá fyrri tíð en Árni Pétur stýrði á sínum tíma matvælasviði Baugs Group þar sem Jón Ásgeir var forstjóri.

Árni Pétur Jónsson, núverandi forstjóri Skeljungs, var áður forstjóri 10-11. Vísir/GVA

300 milljóna skuld

Skeljungur áformar að reka Basko sem dótturfélag. Kaupverðið sem Skeljungur greiðir fyrir allt hlutafé Basko nemur 30 milljónum króna en tekur um leið yfir skuldir upp á 300 milljónir króna. Forsendur kaupverðsins eru grundvallaðar á upplýsingum frá seljanda, meðal annars um áætlað uppgjör.

„Ráðgert er að heildareignir Basko eftir fjárhagslega endurskipulagningu nemi 1.000-1.100 m.kr. Ráðgert er að vörusala yfirtekins rekstrar á yfirstandandi rekstarári nemi 5.000-5.200 m.kr. Áhrif kaupanna á EBITDA afkomu Skeljungs á þessu ári eru metin óveruleg og ekki til þess fallin að breyta áður útgefinni EBITDA spá. Eftir að rekstrarlegri endurskipulagningu á Basko lýkur er reiknað með að reksturinn muni hafa jákvæð áhrif á EBITDA afkomu Skeljungs sem nemur 100-200 m.kr. á ársgrundvelli,“ segir í tilkynningu frá Skeljungi.

„Við sjáum ýmis sóknarfæri með þessum kaupum. Árið 2014 samdi Skeljungur við Basko um rekstur verslana á helstu bensínstöðvum félagsins. Með kaupunum í dag tekur Skeljungur þann rekstur aftur til sín auk þess að eignast nokkrar aðrar matvöruverslanir. Með þessum kaupum erum við að bæta þjónustu við viðskiptavini Orkunnar með því að samtvinna rekstur Kvikk og Orkunnar með meira afgerandi hætti en áður. Basko hefur í gegnum góðar staðsetningar á verslunum sínum mjög sterka stöðu, til að mynda í sölu til ferðamanna. Innan félagsins er mikil þekking á rekstri þægindaverslana sem mun nýtast okkur. Með kaupum þessum stígur Skeljungur ákveðnara skref í smásölurekstri en áður hefur verið gert og horfir til enn frekari uppbyggingar á því sviði,“ segir Árni Pétur Jónsson, forstjóri Skeljungs.


Tengdar fréttir

Selur í Högum og kaupir í Skeljungi

Félagið 365 miðlar, sem er í eigu Ingibjargar Stefaníu Pálmadóttur, er komið með 7,67 prósenta hlut í Skeljungi. Markaðsvirði hlutarins nemur um 1.300 milljónum króna.

Miklar sveiflur á 365 og Teymi

Gengi 365 hækkar um rúm fjörutíu prósent í desember. Kaupréttarsamningar forstjóra 365 og Teymis hafa hækkað um tugi milljóna króna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.