Formúla 1

Occon til Renault á næsta ári

Bragi Þórðarson skrifar
Occon ók fyrir Force India árin 2017 og 2018
Occon ók fyrir Force India árin 2017 og 2018 Getty

Frakkinn Esteban Occon mun aka fyrir Renault á næsta ári. Occon gerði tveggja ára samning við liðið og verður því í herbúðum þeirra til ársins 2022.

Occon fékk ekkert sæti í Formúlu 1 í ár en Frakkinn hefur verið í ökumanns akademíu Mercedes frá unga aldri. Árin 2017 og 2018 ók Frakkinn fyrir Force India.

Það var alltaf erfitt fyrir Occon að reyna komast inn hjá Mercedes. Eftir slagt tímabil hjá Valtteri Bottas í fyrra bjuggust margir við að Esteban tæki sæti hans hjá Mercedes í ár. Það varð ekki raunin og hefur Finninn átt ágætis tímabil það sem af er.

Mercedes hefur því ákveðið að halda Bottas sem liðsfélaga Lewis Hamilton á næsta ári og leyft Occon að róa á önnur mið.

Occon var hársbreytt frá því að landa Renault sætinu fyrir þetta tímabil, áður en Daniel Ricciardo ákvað að skipta yfir til liðsins.

Nú verða Occon og Ricciardo liðsfélagar á næsta ári. Sem þýðir að Nico Hulkenberg er án sætis árið 2020. Fréttir herma þó að Þjóðverjinn muni taka sæti Romain Grosjean hjá Haas á næsta ári.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.