Bakkavör hríðlækkað frá skráningu Þorsteinn Friðrik Halldórsson skrifar 14. ágúst 2019 09:00 Lýður Guðmundsson, til hægri, situr í stjórn Bakkavarar en Ágúst Guðmundsson, til vinstri, er forstjóri fyrirtækisins. FBL/vilhelm Hlutabréfaverð breska matvælaframleiðandans Bakkavarar hefur lækkað um rúm 47 prósent frá því að félagið var skráð á hlutabréfamarkaðinn í London í nóvember 2017. Þá var gengið 1,90 pund á hvern hlut en við lok markaðarins í gær stóð það í 1 pundi. Miðað við núverandi gengi nemur markaðsvirði matvælaframleiðandans rúmlega 582 milljónum punda, eða sem nemur 87,3 milljörðum króna. Það hefur því dregist saman um 78,6 milljarða frá skráningu. Financial Times greindi í júní frá verðmati bandaríska fjárfestingarbankans Morgan Stanley á Bakkavör. Þá hafði gengi Bakkavarar lækkað um 35 prósent frá skráningu en í verðmatinu kom fram að „fordæmalausar“ kostnaðarhækkanir og óvissa á breskum hlutabréfamarkaði skýrðu lækkunina. „Spenna á vinnumarkaði, miklar verðhækkanir á hrávörum og veiking breska pundsins hafa saman myndað krefjandi rekstrarumhverfi fyrir Bakkavör. Þegar við horfum inn í seinni helming ársins og til næsta árs erum við ekki jafn svartsýnir í ljósi þess að að batnandi horfur eru á hrávörumarkaði,“ segir í verðmatinu. Morgan Stanley segir að Brexit feli í sér áhættu fyrir Bakkavör sem kaupir 37 prósent af hráefnum sínum frá meginlandi Evrópu og þaðan kemur jafnframt helmingur starfsfólksins. Gengið var frá sölu eignarhaldsfélagsins BG12 á 45,9 prósenta hlut í Bakkavör í janúar árið 2016 en Arion banki fór með 62 prósenta hlut í eignarhaldsfélaginu. Aðrir eigendur BG12 voru aðallega lífeyrissjóðir, eins og til dæmis Lífeyrissjóður verslunarmanna sem átti 14,3 prósenta hlut og Gildi með 11,6 prósenta hlut. Kaupendur að hlutnum voru bræðurnir Ágúst og Lýður Guðmundssynir, stofnendur Bakkavarar, en þeir áttu fyrir um 38 prósent í matvælaframleiðandanum, og bandaríski vogunarsjóðurinn Baupost. Var kaupverðið ríflega 147 milljónir punda en markaðsvirði hlutarins í dag nemur rúmlega 267 milljónum punda þremur og hálfu ári seinna.Bræðurnir Lýður og Ágúst eru enn stærstu hluthafarnir í Bakkavör. Eftir sölu á um 1,1 prósents hlut í maí eiga þeir samtals 49 prósenta hlut í félaginu. Markaðsvirði eignarhlutarins nemur 285 milljónum punda, eða um 42,7 milljörðum króna. Ragnar Þór Ingólfsson, formaður VR, gagnrýndi söluna harðlega og kallaði eftir því að lífeyrissjóðir sem áttu hlut í Bakkavör færu fram á opinbera rannsókn á því hvort þeir hefðu verið blekktir við söluna. Taldi hann að um væri að ræða eitt „stærsta fjársvikamál Íslandssögunnar“. Eins og Markaðurinn greindi frá í fyrra krafðist Bankasýsla ríkisins þess í desember 2017 að innri endurskoðanda Arion banka yrði falið að gera formlega athugun á sölu bankans á hlut sínum í breska matvælaframleiðandanum Bakkavör. Bankasýslan tók fram í minnisblaði til ráðherra að í kjölfar almenns útboðs á hlutabréfum í Bakkavör og skráningar þeirra í kauphöllina í Lundúnum í nóvember í fyrra hefði komið í ljós að verðmæti eignarhlutar BG12 í matvælaframleiðandanum hefði því sem næst þrefaldast. Virði hlutarins hafi þannig, á tuttugu mánuðum, farið úr 147 milljónum punda í 433 milljónir punda. Umfjöllunin varð til þess að Arion banki sendi út tilkynningu þar sem bankinn sagðist líta svo á að í hvívetna hefði verið staðið með eðlilegum og faglegum hætti að framkvæmd á söluferli á eignarhlutnum og hafnaði alfarið vangaveltum um annað. Endurheimtur þeirra aðila sem lögðu til stofnunar BG12 hefðu verið mjög vel viðunandi en verðmæti eignarhlutar þeirra fimmfaldaðist meðan hluturinn var í eigu þess félags. Birtist í Fréttablaðinu Bretland Markaðir Mest lesið Hæstiréttur sker úr um hvort taka hafi mátt bjór úr hillum Viðskipti innlent Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Farsímatekjur undir væntingum Viðskipti innlent Verðbólgan minnkar en vextirnir hækka Viðskipti innlent Sækjast eftir fangelsisdómi yfir rafmyntakóngi Viðskipti erlent Nú er hægt að elta góða veðrið um landið með kortavef Já.is Samstarf „Enda hefði hún hreinlega ekki nennt að þræta við mig endalaust“ Atvinnulíf Mikill samdráttur á hagnaði Tesla Viðskipti erlent Samþykkja helming umsókna um sölu eigna fyrir lok vikunnar Viðskipti innlent Fleiri fréttir Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Hlutabréfaverð breska matvælaframleiðandans Bakkavarar hefur lækkað um rúm 47 prósent frá því að félagið var skráð á hlutabréfamarkaðinn í London í nóvember 2017. Þá var gengið 1,90 pund á hvern hlut en við lok markaðarins í gær stóð það í 1 pundi. Miðað við núverandi gengi nemur markaðsvirði matvælaframleiðandans rúmlega 582 milljónum punda, eða sem nemur 87,3 milljörðum króna. Það hefur því dregist saman um 78,6 milljarða frá skráningu. Financial Times greindi í júní frá verðmati bandaríska fjárfestingarbankans Morgan Stanley á Bakkavör. Þá hafði gengi Bakkavarar lækkað um 35 prósent frá skráningu en í verðmatinu kom fram að „fordæmalausar“ kostnaðarhækkanir og óvissa á breskum hlutabréfamarkaði skýrðu lækkunina. „Spenna á vinnumarkaði, miklar verðhækkanir á hrávörum og veiking breska pundsins hafa saman myndað krefjandi rekstrarumhverfi fyrir Bakkavör. Þegar við horfum inn í seinni helming ársins og til næsta árs erum við ekki jafn svartsýnir í ljósi þess að að batnandi horfur eru á hrávörumarkaði,“ segir í verðmatinu. Morgan Stanley segir að Brexit feli í sér áhættu fyrir Bakkavör sem kaupir 37 prósent af hráefnum sínum frá meginlandi Evrópu og þaðan kemur jafnframt helmingur starfsfólksins. Gengið var frá sölu eignarhaldsfélagsins BG12 á 45,9 prósenta hlut í Bakkavör í janúar árið 2016 en Arion banki fór með 62 prósenta hlut í eignarhaldsfélaginu. Aðrir eigendur BG12 voru aðallega lífeyrissjóðir, eins og til dæmis Lífeyrissjóður verslunarmanna sem átti 14,3 prósenta hlut og Gildi með 11,6 prósenta hlut. Kaupendur að hlutnum voru bræðurnir Ágúst og Lýður Guðmundssynir, stofnendur Bakkavarar, en þeir áttu fyrir um 38 prósent í matvælaframleiðandanum, og bandaríski vogunarsjóðurinn Baupost. Var kaupverðið ríflega 147 milljónir punda en markaðsvirði hlutarins í dag nemur rúmlega 267 milljónum punda þremur og hálfu ári seinna.Bræðurnir Lýður og Ágúst eru enn stærstu hluthafarnir í Bakkavör. Eftir sölu á um 1,1 prósents hlut í maí eiga þeir samtals 49 prósenta hlut í félaginu. Markaðsvirði eignarhlutarins nemur 285 milljónum punda, eða um 42,7 milljörðum króna. Ragnar Þór Ingólfsson, formaður VR, gagnrýndi söluna harðlega og kallaði eftir því að lífeyrissjóðir sem áttu hlut í Bakkavör færu fram á opinbera rannsókn á því hvort þeir hefðu verið blekktir við söluna. Taldi hann að um væri að ræða eitt „stærsta fjársvikamál Íslandssögunnar“. Eins og Markaðurinn greindi frá í fyrra krafðist Bankasýsla ríkisins þess í desember 2017 að innri endurskoðanda Arion banka yrði falið að gera formlega athugun á sölu bankans á hlut sínum í breska matvælaframleiðandanum Bakkavör. Bankasýslan tók fram í minnisblaði til ráðherra að í kjölfar almenns útboðs á hlutabréfum í Bakkavör og skráningar þeirra í kauphöllina í Lundúnum í nóvember í fyrra hefði komið í ljós að verðmæti eignarhlutar BG12 í matvælaframleiðandanum hefði því sem næst þrefaldast. Virði hlutarins hafi þannig, á tuttugu mánuðum, farið úr 147 milljónum punda í 433 milljónir punda. Umfjöllunin varð til þess að Arion banki sendi út tilkynningu þar sem bankinn sagðist líta svo á að í hvívetna hefði verið staðið með eðlilegum og faglegum hætti að framkvæmd á söluferli á eignarhlutnum og hafnaði alfarið vangaveltum um annað. Endurheimtur þeirra aðila sem lögðu til stofnunar BG12 hefðu verið mjög vel viðunandi en verðmæti eignarhlutar þeirra fimmfaldaðist meðan hluturinn var í eigu þess félags.
Birtist í Fréttablaðinu Bretland Markaðir Mest lesið Hæstiréttur sker úr um hvort taka hafi mátt bjór úr hillum Viðskipti innlent Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Farsímatekjur undir væntingum Viðskipti innlent Verðbólgan minnkar en vextirnir hækka Viðskipti innlent Sækjast eftir fangelsisdómi yfir rafmyntakóngi Viðskipti erlent Nú er hægt að elta góða veðrið um landið með kortavef Já.is Samstarf „Enda hefði hún hreinlega ekki nennt að þræta við mig endalaust“ Atvinnulíf Mikill samdráttur á hagnaði Tesla Viðskipti erlent Samþykkja helming umsókna um sölu eigna fyrir lok vikunnar Viðskipti innlent Fleiri fréttir Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira