Innlent

Þrír á sviptingarhraða á Suðurlandi

Stefán Ó. Jónsson skrifar
Lögreglan segist hafa sektað fyrir á fjórðu milljón á Suðurlandi í gær.
Lögreglan segist hafa sektað fyrir á fjórðu milljón á Suðurlandi í gær. Vísir/vilhelm

Lögreglan á Suðurlandi segist hafa kært 45 ökumenn fyrir of hraðan akstur í gær. Þar af voru þrír á meira en 140 kílómetra hraða. Stærstur hluti hinna kærðu voru, að sögn lögreglunnar, erlendir ferðamenn.

Sá sem sagður er hafa ekið hraðast var mældur á 152 km/klst á Mýrdalssandi „og kvaðst ökumaður hafa gleymt sér þar sem hann hafi verið svo hugfanginn og snortinn af landslaginu,“ að sögn lögreglunnar. Tveir aðrir ökumenn eiga jafnframt að hafa verið mældir á sviptingarhraða, eða 146 og 147 km/klst.

Nær allir ökumenn eiga að hafa greitt sektirnar á staðnum. Ef eingöngu er horft á þá 26 ökumenn sem kærðir voru fyrir hraðakstur á Mýrdalssandi milli Víkur og Kirkjubæjarklausturs greiddu þeir samtals rúmlega 1,6 milljónir króna í sekt.

Ef litið er á heildarsektargreiðslu þessara 45 ökumanna sem kærðir voru fyrir hraðakstur í gær hjá embættinu nemur sektarfjárhæðin samtals um 3 milljónnum króna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.