Ræðir lokun Ostabúðarinnar: „Ég ætla ekki að drepa mig á þessu“ Birgir Olgeirsson skrifar 15. ágúst 2019 09:36 Jóhann Jónsson, eigandi Ostabúðarinnar. FBL/Anton Jóhann Jónsson, eigandi Ostabúðarinnar, mætti í Bítið á Bylgjunni í morgun til að fara yfir ástæður þess að hann ákvað að loka veitingastaðnum sínum sem hann hefur rekið til fjölda ára á Skólavörðustíg. Hann sagði rekstrarkostnað staðarins hafa farið upp úr öllu valdi og nefndi þar sérstaklega launakostnaðinn. Sagðist hann ekki geta kvartað undan leiguverði á sínum stað en sagði að kokkar og þjónar á staðnum væru með um 380 þúsund til 420 þúsund krónur útborgaðar beint í vasann. Hann þurfi svo að greiða annað eins í launatengd gjöld. Þegar mest var, var Jóhann með átján manns í vinnu enda með tvöfalda vakt á sínum veitingastað.„Sorglegt að hlusta á þennan mann“ Gunnar Smári Egilsson, formaður framkvæmdaráðs Sósíalistaflokksins, hafði mætt í Bítið í vikunni til að ræða þrönga stöðu veitingastaða í miðborg Reykjavíkur. Sagði Gunnar Smári að margir staðir hefðu gert mistök með því að lengja opnunartímann en Jóhann sagði í Bítinu í morgun að staðurinn hefði vissulega verið með tvöfalda vakt. Sagðist Jóhann ekki skilja hvað Gunnar Smári hefði verið að fara með ummælum sínum og nefndi að Gunnar Smára hefði sjálfum ekki gengið rosalega vel þegar hann starfaði við útgáfu dagblaða.Hér fyrir neðan má heyra viðtalið við Gunnar Smára:„Þetta er ekki svona einfalt og það er rosalega sorglegt að hlusta á þennan mann gaspra í útvarpi um eitthvað sem hann hefur ekki vit á,“ sagði Jóhann. Minntist Jóhann á að Gunnar Smári hefði hefði sagt að litlir veitingastaðir ættu að vera reknir af fjölskyldum og eigendur ættu að vera í eldhúsinu en Jóhann gaf ekki mikið fyrir þau ummæli og sagði að hann og hans fólk þyrfti að eiga líf líka. „Ég man ekki hvenær hann kom inn í eldhúsið eða skrifstofuna. Hann hefur ekki hugmynd um hvað hann er að tala þess maður,“ sagði Jóhann.Vaxtatækifæri blöstu við Sagði Jóhann að það hefði verið að hreinu að ákveðin vaxtatækifæri blöstu við atvinnurekendum í þeim mikla uppgangi sem var í kringum árið 2015. Það var einmitt þá sem hann ákvað að stækka rekstur staðarins, það er að lengja opnunartímann. Árin 2015 og 2016 voru frábær í rekstri sagði Jóhann en árið 2017 fór reksturinn að þyngjast og var árið 2018 sérstaklega erfitt. Það rakti Jóhann sérstaklega til erfiðleika í rekstri WOW air og benti á að kjaraviðræður, sem stóðu yfir í fleiri mánuði hefðu gert atvinnurekendum afar erfitt fyrir því það skapaði mikið óvissutímabil þar sem bankastofnanir héldu að sér höndum.Of margir veitingastaðir Jóhann nefndi einnig að rekstrarumhverfi í miðborg Reykjavíkur sé sérstaklega erfitt því mörgum sé hleypt inn á markaðinn. Í miðborginni séu ekki aðeins fjöldi veitingastaða heldur einnig fjöldi matarvagna.Ostabúðin hafði verið rekin á Skólavörðustíg til fjölda ára.FBL/Sigtryggur Ari„Það er ekki markaður fyrir allan þennan hóp,“ sagði Jóhann og taldi að það væru um 35 þúsund sæti fyrir matargesti í miðborginni. Úti á Granda eru þau orðin tólf til þrettán hundruð talsins. Hann segist hafa tapað gríðarlegum peningum síðasta vetur og miðað við hvernig ástandið sé í dag hafi þetta verið góður tímapunktur til að loka.Erfið staða fyrir lítil fyrirtæki Sagðist Jóhann hafa fengið fjölda tilboða undanfarna daga og hafa margir sett sig í samband við hann til að votta honum samúð. Hann sagði hjarta sitt vera á Skólavörðustígnum þegar hann var spurður hvort hann væri með einhver framtíðarplön en sagði að ríkisvaldið og sveitarfélögin þyrftu að fara að taka til hjá sér. Stoppi þurfi útblástur veitingastaða og einnig þurfi að endurskoða skattstofna því að rekstur lítilla og meðalstórra fyrirtækja sé orðinn afar þungur. „Þetta er bara vonlaust,“ sagði Jóhann. Ef staðurinn átti að reka sig hefði hann þurft að hækka verð um 15 til 20 prósent. Það hefði þýtt fækkun viðskiptavina en Jóhann segir fáa fara út í rekstur án þess að ætla sér að skila hagnaði. „Annars gæti ég bara verið launþegi,“ sagði Jóhann sem benti á að það sé ekkert grín að reka veitingahús í dag. „Svo er maður að elda sjálfur og ég ætla ekki að drepa mig á þessu.“Hér fyrir neðan má heyra viðtalið við Jóhann Matur Reykjavík Veitingastaðir Tengdar fréttir Ostabúðin á Skólavörðustíg hættir rekstri Ostabúðinni á Skólavörðustíg hefur verið lokað fyrir fullt og allt. 13. ágúst 2019 16:26 Mest lesið Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Mun bjóða upp á sömu flugáætlun og Bláfugl áður Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Guðný og Sigurður Helgi til SI Viðskipti innlent Tekur við stöðu sviðsstjóra Netöryggismiðstöðvar Íslands Viðskipti innlent Arnar Már nýr aðstoðarforstjóri Viðskipti innlent Fleiri fréttir Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Sjá meira
Jóhann Jónsson, eigandi Ostabúðarinnar, mætti í Bítið á Bylgjunni í morgun til að fara yfir ástæður þess að hann ákvað að loka veitingastaðnum sínum sem hann hefur rekið til fjölda ára á Skólavörðustíg. Hann sagði rekstrarkostnað staðarins hafa farið upp úr öllu valdi og nefndi þar sérstaklega launakostnaðinn. Sagðist hann ekki geta kvartað undan leiguverði á sínum stað en sagði að kokkar og þjónar á staðnum væru með um 380 þúsund til 420 þúsund krónur útborgaðar beint í vasann. Hann þurfi svo að greiða annað eins í launatengd gjöld. Þegar mest var, var Jóhann með átján manns í vinnu enda með tvöfalda vakt á sínum veitingastað.„Sorglegt að hlusta á þennan mann“ Gunnar Smári Egilsson, formaður framkvæmdaráðs Sósíalistaflokksins, hafði mætt í Bítið í vikunni til að ræða þrönga stöðu veitingastaða í miðborg Reykjavíkur. Sagði Gunnar Smári að margir staðir hefðu gert mistök með því að lengja opnunartímann en Jóhann sagði í Bítinu í morgun að staðurinn hefði vissulega verið með tvöfalda vakt. Sagðist Jóhann ekki skilja hvað Gunnar Smári hefði verið að fara með ummælum sínum og nefndi að Gunnar Smára hefði sjálfum ekki gengið rosalega vel þegar hann starfaði við útgáfu dagblaða.Hér fyrir neðan má heyra viðtalið við Gunnar Smára:„Þetta er ekki svona einfalt og það er rosalega sorglegt að hlusta á þennan mann gaspra í útvarpi um eitthvað sem hann hefur ekki vit á,“ sagði Jóhann. Minntist Jóhann á að Gunnar Smári hefði hefði sagt að litlir veitingastaðir ættu að vera reknir af fjölskyldum og eigendur ættu að vera í eldhúsinu en Jóhann gaf ekki mikið fyrir þau ummæli og sagði að hann og hans fólk þyrfti að eiga líf líka. „Ég man ekki hvenær hann kom inn í eldhúsið eða skrifstofuna. Hann hefur ekki hugmynd um hvað hann er að tala þess maður,“ sagði Jóhann.Vaxtatækifæri blöstu við Sagði Jóhann að það hefði verið að hreinu að ákveðin vaxtatækifæri blöstu við atvinnurekendum í þeim mikla uppgangi sem var í kringum árið 2015. Það var einmitt þá sem hann ákvað að stækka rekstur staðarins, það er að lengja opnunartímann. Árin 2015 og 2016 voru frábær í rekstri sagði Jóhann en árið 2017 fór reksturinn að þyngjast og var árið 2018 sérstaklega erfitt. Það rakti Jóhann sérstaklega til erfiðleika í rekstri WOW air og benti á að kjaraviðræður, sem stóðu yfir í fleiri mánuði hefðu gert atvinnurekendum afar erfitt fyrir því það skapaði mikið óvissutímabil þar sem bankastofnanir héldu að sér höndum.Of margir veitingastaðir Jóhann nefndi einnig að rekstrarumhverfi í miðborg Reykjavíkur sé sérstaklega erfitt því mörgum sé hleypt inn á markaðinn. Í miðborginni séu ekki aðeins fjöldi veitingastaða heldur einnig fjöldi matarvagna.Ostabúðin hafði verið rekin á Skólavörðustíg til fjölda ára.FBL/Sigtryggur Ari„Það er ekki markaður fyrir allan þennan hóp,“ sagði Jóhann og taldi að það væru um 35 þúsund sæti fyrir matargesti í miðborginni. Úti á Granda eru þau orðin tólf til þrettán hundruð talsins. Hann segist hafa tapað gríðarlegum peningum síðasta vetur og miðað við hvernig ástandið sé í dag hafi þetta verið góður tímapunktur til að loka.Erfið staða fyrir lítil fyrirtæki Sagðist Jóhann hafa fengið fjölda tilboða undanfarna daga og hafa margir sett sig í samband við hann til að votta honum samúð. Hann sagði hjarta sitt vera á Skólavörðustígnum þegar hann var spurður hvort hann væri með einhver framtíðarplön en sagði að ríkisvaldið og sveitarfélögin þyrftu að fara að taka til hjá sér. Stoppi þurfi útblástur veitingastaða og einnig þurfi að endurskoða skattstofna því að rekstur lítilla og meðalstórra fyrirtækja sé orðinn afar þungur. „Þetta er bara vonlaust,“ sagði Jóhann. Ef staðurinn átti að reka sig hefði hann þurft að hækka verð um 15 til 20 prósent. Það hefði þýtt fækkun viðskiptavina en Jóhann segir fáa fara út í rekstur án þess að ætla sér að skila hagnaði. „Annars gæti ég bara verið launþegi,“ sagði Jóhann sem benti á að það sé ekkert grín að reka veitingahús í dag. „Svo er maður að elda sjálfur og ég ætla ekki að drepa mig á þessu.“Hér fyrir neðan má heyra viðtalið við Jóhann
Matur Reykjavík Veitingastaðir Tengdar fréttir Ostabúðin á Skólavörðustíg hættir rekstri Ostabúðinni á Skólavörðustíg hefur verið lokað fyrir fullt og allt. 13. ágúst 2019 16:26 Mest lesið Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Mun bjóða upp á sömu flugáætlun og Bláfugl áður Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Guðný og Sigurður Helgi til SI Viðskipti innlent Tekur við stöðu sviðsstjóra Netöryggismiðstöðvar Íslands Viðskipti innlent Arnar Már nýr aðstoðarforstjóri Viðskipti innlent Fleiri fréttir Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Sjá meira
Ostabúðin á Skólavörðustíg hættir rekstri Ostabúðinni á Skólavörðustíg hefur verið lokað fyrir fullt og allt. 13. ágúst 2019 16:26