Rúanda hefur opnað landamæri sín við Austur-Kongó, en þeim var tímabundið lokað vegna ebólufaraldursins sem nú geisar í síðarnefnda landinu. Um 1.800 manns hafa látið lífið af völdum veirunnar, þar á meðal þrír í landamæraborginni Goma í síðasta mánuði.
Alþjóðaheilbrigðisstofnunin (WHO) hafði áður lagst gegn því að ríki reyndu að halda veirunni í skefjum með því að loka landamærum og takmarka þannig ferðir fólks eða viðskipti, að því er fram kemur í frétt breska ríkisútvarpsins.
Ebólufaraldurinn er sá næstmannskæðasti í sögunni og sá versti sem geisað hefur í Austur-Kongó. Um 2700 manns hafa smitast af veirunni þar í landi og að meðaltali er tilkynnt um 12 ný tilfelli daglega. WHO lýsti nýlega yfir neyðarástandi á heimsvísu vegna faraldursins.
Landamæri Rúanda og Austur-Kongó opnuð að nýju
Tengdar fréttir
Neyðarástandi á heimsvísu lýst yfir vegna ebólu
Ebólu faraldrinum, sem brotist hefur út í Austur-Kongó, var í dag lýst yfir sem neyðarástandi á heimsvísu af Alþjóðaheilbrigðismálastofnuninni eftir að vírusinn smitaðist til borgar þar sem tvær milljónir manna búa.
Landamærum Rúanda og Austur-Kongó lokað vegna ebólu
Að minnsta kosti tveir hafa látið lífið í faraldrinum í landamæraborg í Austur-Kongó.
Staðfesta annað tilfelli ebólu í milljónaborg í Austur-Kongó
Annað tilfelli ebólu hefur verið staðfest í borginni Goma í Austur-Kongó.
