Umtöluðustu grínistar heims snúa aftur Kristinn Haukur Guðnason skrifar 3. ágúst 2019 04:00 Flight of the Conchords á tónleikum í New York. Mynd/Nordicphotos/Getty. Það hefur alltaf verið meiri eftirspurn en framboð af Flight of the Conchords. Fyrir rúmum tíu árum sprakk tvíeykið nýsjálenska út sem vinsælustu grínistar heimsins en hvarf jafn skjótt af sjónarsviðinu. Það var ekki vegna þess að við hefðum fengið leiða á þeim. Þeir fengu leiða á okkur. Í ár kom út fyrsta plata hljómsveitarinnar í tíu ár og það eina sem hefur breyst er að nú sjást nokkur grá hár. Flight of the Conchords, sem samanstendur af Jemaine Clement og Brett Mackenzie, hóf samstarf árið 2000, í útvarpi og tónleikahaldi. Grínþættir þeirra hjá BBC vöktu athygli árið 2005 og tveimur árum síðar lá leiðin til Ameríku og heimsfrægðar. Samnefnd þáttaröð hjá sjónvarpsstöðinni HBO sló samstundis í gegn. Árið 2009 kom út önnur þáttaröð og var þá mikið meira lagt í framleiðsluna. Gæði efnisins minnkuðu ekki og tvíeykið varð umtöluðustu grínistar veraldar. Þegar HBO skellti samningi á borðið um þriðju þáttaröðina sögðu þeir nei. „Þetta tekur of mikinn tíma,“ sagði Jemaine. „Þetta er orðið leiðinlegt,“ sagði Brett. Svo héldu þeir hvor í sína áttina.Hljómsveitin sló í gegn í útvarpi árið 2005. Mynd/Nordicphotos/Getty.Sneru baki við frægðinni Hvaða klikkun var í gangi? Að snúa baki við heimsfrægð og öllum grínþyrstu aðdáendunum sem öskruðu á meira? Fá dæmi eru um að fólk taki slíka ákvörðun. Mætti kannski helst nefna Jón Gnarr sem ákvað að bjóða sig ekki fram í borgarstjórnarkosningum árið 2014 þrátt fyrir að eiga stólinn vísan. Kannski er þetta eitthvað sem aðeins grínistar gera. Í tíu ár þurftu aðdáendur Flight of the Conchords að ylja sér við sömu gömlu lögin og sömu gömlu þættina. Á nokkurra ára fresti komu Jemaine og Brett samt fram á einstaka tónleikum og aðdáendur héldu í daufa von um að það yrði kveikjan að einhverju meira. Svo gerðist það í fyrra að hljómsveitin kom saman og tók upp tónleikaplötu í London. Voru tónleikarnir einnig gefnir út á myndbandi. „Þið hafið væntanlega tekið eftir því að við erum orðnir eldri en þegar þið sáuð okkur síðast,“ sagði Jemaine. „Við erum ekki veikir.“ Á Live in London er nýtt og brakandi ferst efni í bland við eldri lög með nýjum áherslum. Blaður þeirra milli laganna er ekki síður skemmtilegt. Það virðist óæft en er það alls ekki. Sjálfsháð er list sem engir kunna betur en þeir Jemaine og Brett, nokkurs konar Steini og Olli fyrir hipstera. Einfaldir sveitalubbar, hallærislegir, vitgrannir og vonlausir í kvennamálum.Jemaine Clement og Brett MaKenzie hafa aldrei verið venjulegir. Mynd/Nordicphotos/Getty.Fjölbreytileikinn er lykillinn Lög Flight of the Conchords hafa alltaf notið sín mun betur á tónleikum en í hljóðversupptökum. Á sviði eru þeir líka óhræddir við að breyta lögunum sem er nauðsynlegt í ljósi þess að hvert lag er í raun brandari. Brandarar geta orðið þreyttir séu þeir sagðir of oft. Helsti styrkleiki Flight of the Conchords er hins vegar fjölbreytileikinn og hann sést glögglega á nýja efninu á Live in London. Opnunarlagið Father and son er hugljúf ballaða um veruleikafirrtan helgarpabba, Stana vestri um illmenni sem verður ástfangið af tvífara sínum, Shady Rachel djassslagari um súpuskeiðar og The Summer of 1353 er endurreisnarballaða um misheppnaða viðreynslu. Toppurinn á prógramminu er Iain and Deanna, popprokk-lag um gratt skrifstofufólk. Platan er hreint út sagt frábær og ekki að heyra að þeir hafi tekið sér tíu ára pásu.Dulir um framtíðina Jemaine og Brett lágu ekki í híði allan þennan tíma heldur hafa þeir báðir verið viðloðandi kvikmynda- og þáttagerð. Jemaine leikstýrði vampírumyndinni What We Do in the Shadows árið 2014 og hefur talað inn á fjölda teiknimynda. Brett vann Óskarsverðlaun árið 2012 fyrir lag úr kvikmyndinni um Prúðuleikarana og lék álf í Hobbitanum. Þeir búa enn þá á Nýja-Sjálandi, hafa nú stofnað fjölskyldur og virðast fullkomlega sáttir í eigin skinni samkvæmt viðtölum. Í spjallþætti Stephens Colbert voru þeir spurðir hvers vegna þeir væru ekki sólgnir í frægð og frama. Það var fátt um svör og eins og þeir vissu ekki hvernig þeir ættu að svara. Kannski átti þetta aldrei að verða svona stórt. Í viðtali við The New York Times sagði Brett: „Þegar þættirnir komu út kynntumst við því hvernig er að vera frægur, það er brjálæði. Við gátum ekki farið út úr húsi án þess að vera angraðir.“ Hvað tekur við í framhaldinu er erfitt að segja því að Jemaine og Brett eru mjög dulir. Í viðtölum snúa þeir nánast öllum spurningum upp í grín og enginn veit hvað þeir eru raunverulega að hugsa og ráðgera. Margir vilja fá nýja þáttaröð, eins og þær gömlu voru, en miðað við viðtöl við Jemaine og Brett á undanförnum árum virðist það ekki í pípunum. Aftur á móti hefur verið rætt um gerð kvikmyndar um hljómsveitina Flight of the Conchords. Báðir hafa nefnt það, síðast Jemaine árið 2015 þegar hann sagði að aðeins nokkur ár væru í að hún yrði að veruleika. Ekki er ósennilegt að Live in London sé ætlað að vera undanfari kvikmyndarinnar, til að minna fólk á hljómsveitina og snilli hennar. Bíó og sjónvarp Nýja-Sjáland Tónlist Mest lesið Þjóðarsálin í reiðhöllinni Lífið Maðurinn sem uppgötvaði Bieber kveður bransann Tónlist Myndaveisla: Vel mætt í 80 ára lýðveldisafmælið Lífið „Þetta er enginn helvítis félagskvíði, það bara þolir mig enginn“ Áskorun Fyllist stolti við að líta til fyrri fjallkvenna Lífið „Endurtek í sífellu: Ég vil ekki deyja, ég vil ekki deyja“ Áskorun Átta ára með sinn eigin bíl á bílasýningu á Akureyri Lífið „Gaman hvað verið er að tala fallega um samstarfsfólkið mitt“ Bíó og sjónvarp „Þetta lag minnir mig alltaf á að hafa tapað Idolinu“ Lífið Bjuggu til 47 síðna EM hefti til að dunda við Lífið Fleiri fréttir Myndaveisla: Vel mætt í 80 ára lýðveldisafmælið Bjuggu til 47 síðna EM hefti til að dunda við Fyllist stolti við að líta til fyrri fjallkvenna „Þetta lag minnir mig alltaf á að hafa tapað Idolinu“ Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjá meira
Það hefur alltaf verið meiri eftirspurn en framboð af Flight of the Conchords. Fyrir rúmum tíu árum sprakk tvíeykið nýsjálenska út sem vinsælustu grínistar heimsins en hvarf jafn skjótt af sjónarsviðinu. Það var ekki vegna þess að við hefðum fengið leiða á þeim. Þeir fengu leiða á okkur. Í ár kom út fyrsta plata hljómsveitarinnar í tíu ár og það eina sem hefur breyst er að nú sjást nokkur grá hár. Flight of the Conchords, sem samanstendur af Jemaine Clement og Brett Mackenzie, hóf samstarf árið 2000, í útvarpi og tónleikahaldi. Grínþættir þeirra hjá BBC vöktu athygli árið 2005 og tveimur árum síðar lá leiðin til Ameríku og heimsfrægðar. Samnefnd þáttaröð hjá sjónvarpsstöðinni HBO sló samstundis í gegn. Árið 2009 kom út önnur þáttaröð og var þá mikið meira lagt í framleiðsluna. Gæði efnisins minnkuðu ekki og tvíeykið varð umtöluðustu grínistar veraldar. Þegar HBO skellti samningi á borðið um þriðju þáttaröðina sögðu þeir nei. „Þetta tekur of mikinn tíma,“ sagði Jemaine. „Þetta er orðið leiðinlegt,“ sagði Brett. Svo héldu þeir hvor í sína áttina.Hljómsveitin sló í gegn í útvarpi árið 2005. Mynd/Nordicphotos/Getty.Sneru baki við frægðinni Hvaða klikkun var í gangi? Að snúa baki við heimsfrægð og öllum grínþyrstu aðdáendunum sem öskruðu á meira? Fá dæmi eru um að fólk taki slíka ákvörðun. Mætti kannski helst nefna Jón Gnarr sem ákvað að bjóða sig ekki fram í borgarstjórnarkosningum árið 2014 þrátt fyrir að eiga stólinn vísan. Kannski er þetta eitthvað sem aðeins grínistar gera. Í tíu ár þurftu aðdáendur Flight of the Conchords að ylja sér við sömu gömlu lögin og sömu gömlu þættina. Á nokkurra ára fresti komu Jemaine og Brett samt fram á einstaka tónleikum og aðdáendur héldu í daufa von um að það yrði kveikjan að einhverju meira. Svo gerðist það í fyrra að hljómsveitin kom saman og tók upp tónleikaplötu í London. Voru tónleikarnir einnig gefnir út á myndbandi. „Þið hafið væntanlega tekið eftir því að við erum orðnir eldri en þegar þið sáuð okkur síðast,“ sagði Jemaine. „Við erum ekki veikir.“ Á Live in London er nýtt og brakandi ferst efni í bland við eldri lög með nýjum áherslum. Blaður þeirra milli laganna er ekki síður skemmtilegt. Það virðist óæft en er það alls ekki. Sjálfsháð er list sem engir kunna betur en þeir Jemaine og Brett, nokkurs konar Steini og Olli fyrir hipstera. Einfaldir sveitalubbar, hallærislegir, vitgrannir og vonlausir í kvennamálum.Jemaine Clement og Brett MaKenzie hafa aldrei verið venjulegir. Mynd/Nordicphotos/Getty.Fjölbreytileikinn er lykillinn Lög Flight of the Conchords hafa alltaf notið sín mun betur á tónleikum en í hljóðversupptökum. Á sviði eru þeir líka óhræddir við að breyta lögunum sem er nauðsynlegt í ljósi þess að hvert lag er í raun brandari. Brandarar geta orðið þreyttir séu þeir sagðir of oft. Helsti styrkleiki Flight of the Conchords er hins vegar fjölbreytileikinn og hann sést glögglega á nýja efninu á Live in London. Opnunarlagið Father and son er hugljúf ballaða um veruleikafirrtan helgarpabba, Stana vestri um illmenni sem verður ástfangið af tvífara sínum, Shady Rachel djassslagari um súpuskeiðar og The Summer of 1353 er endurreisnarballaða um misheppnaða viðreynslu. Toppurinn á prógramminu er Iain and Deanna, popprokk-lag um gratt skrifstofufólk. Platan er hreint út sagt frábær og ekki að heyra að þeir hafi tekið sér tíu ára pásu.Dulir um framtíðina Jemaine og Brett lágu ekki í híði allan þennan tíma heldur hafa þeir báðir verið viðloðandi kvikmynda- og þáttagerð. Jemaine leikstýrði vampírumyndinni What We Do in the Shadows árið 2014 og hefur talað inn á fjölda teiknimynda. Brett vann Óskarsverðlaun árið 2012 fyrir lag úr kvikmyndinni um Prúðuleikarana og lék álf í Hobbitanum. Þeir búa enn þá á Nýja-Sjálandi, hafa nú stofnað fjölskyldur og virðast fullkomlega sáttir í eigin skinni samkvæmt viðtölum. Í spjallþætti Stephens Colbert voru þeir spurðir hvers vegna þeir væru ekki sólgnir í frægð og frama. Það var fátt um svör og eins og þeir vissu ekki hvernig þeir ættu að svara. Kannski átti þetta aldrei að verða svona stórt. Í viðtali við The New York Times sagði Brett: „Þegar þættirnir komu út kynntumst við því hvernig er að vera frægur, það er brjálæði. Við gátum ekki farið út úr húsi án þess að vera angraðir.“ Hvað tekur við í framhaldinu er erfitt að segja því að Jemaine og Brett eru mjög dulir. Í viðtölum snúa þeir nánast öllum spurningum upp í grín og enginn veit hvað þeir eru raunverulega að hugsa og ráðgera. Margir vilja fá nýja þáttaröð, eins og þær gömlu voru, en miðað við viðtöl við Jemaine og Brett á undanförnum árum virðist það ekki í pípunum. Aftur á móti hefur verið rætt um gerð kvikmyndar um hljómsveitina Flight of the Conchords. Báðir hafa nefnt það, síðast Jemaine árið 2015 þegar hann sagði að aðeins nokkur ár væru í að hún yrði að veruleika. Ekki er ósennilegt að Live in London sé ætlað að vera undanfari kvikmyndarinnar, til að minna fólk á hljómsveitina og snilli hennar.
Bíó og sjónvarp Nýja-Sjáland Tónlist Mest lesið Þjóðarsálin í reiðhöllinni Lífið Maðurinn sem uppgötvaði Bieber kveður bransann Tónlist Myndaveisla: Vel mætt í 80 ára lýðveldisafmælið Lífið „Þetta er enginn helvítis félagskvíði, það bara þolir mig enginn“ Áskorun Fyllist stolti við að líta til fyrri fjallkvenna Lífið „Endurtek í sífellu: Ég vil ekki deyja, ég vil ekki deyja“ Áskorun Átta ára með sinn eigin bíl á bílasýningu á Akureyri Lífið „Gaman hvað verið er að tala fallega um samstarfsfólkið mitt“ Bíó og sjónvarp „Þetta lag minnir mig alltaf á að hafa tapað Idolinu“ Lífið Bjuggu til 47 síðna EM hefti til að dunda við Lífið Fleiri fréttir Myndaveisla: Vel mætt í 80 ára lýðveldisafmælið Bjuggu til 47 síðna EM hefti til að dunda við Fyllist stolti við að líta til fyrri fjallkvenna „Þetta lag minnir mig alltaf á að hafa tapað Idolinu“ Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjá meira