Viðskipti innlent

Erfiður vetur sem varð að martröð

Stefán Ó. Jónsson skrifar
Gunnar Karl Gíslason, einn eigenda staðanna þriggja, segir veturinn hafa verið Systur og Mikkeller & Friends erfiður.
Gunnar Karl Gíslason, einn eigenda staðanna þriggja, segir veturinn hafa verið Systur og Mikkeller & Friends erfiður. FBL/Stefán

Einn eigenda Dill segist nú vera að skoða framhaldið eftir að ákvörðun var tekin um að loka þremur veitingastöðum á Hverfisgötu 12 á einu bretti. Þungur rekstur tveggja staðanna hafi sligað þann þriðja. Allir voru þeir reknir á sömu kennitölunni, á sama leyfinu og því ekki annað í stöðunni en að skella í lás á þeim öllum. 

Fregnir af lokun hins rómaða Dills á Hverfisgötu 12 bárust í gær og í morgun var ljóst að Mikkeller & Friends og Systur, sem deildu húsnæði með Dill, hefðu einnig sungið sitt síðasta. „Óviðráðanlegar orsakir“ eru sagðar skýringin á miða sem hengdur hefur verið á húsnæðið.

Lokun Dill kom mörgum í opna skjöldu, ekki síst í ljósi þess að rekstur staðarins hefur gengið vel á síðustu misserum. Þrátt fyrir að hafa misst Michelin-stjörnu sína í upphafi árs hefur oft reynst erfitt að bóka borð á staðnum, sem hefur þótt meðal þeirra vinsælustu í borginni.

Heimildir Vísis herma að það hafi enda ekki verið rekstrarörðugleikar Dills sem keyrðu Hverfisgötu 12 í þrot. Rekstur Mikkeller & Friends og Systur, sem kom í stað „Nafnlausa pizzustaðarins“ í upphafi árs, hafi hins vegar verið þungur í vöfum síðustu mánuði. Undir það síðasta hafi velgengni Dills í raun borið uppi hina staðina tvo.

Miklar framkvæmdir hafa staðið yfir við vestari enda Hverfisgötu í sumar. Þær riðu tveimur staðanna að fullu. Reykjavíkurborg

Einn eigenda staðanna þriggja, Gunnar Karl Gíslason, staðfestir þetta í samskiptum við Vísi. Á Dill hafi verið „fullt meira og minna alla daga“ en Systir og Mikkeller átt „mjög svo erfiðan vetur.“

Veturinn hafi síðan breyst „í þá martröð sem þessar gatnaframkvæmdar á Hverfisgötunni eru,“ eins og Gunnar Karl kemst að orði. Eins og sjá má á myndinni hér að ofan hafa framkvæmdirnar sett svip á götuna undanfarna mánuði, með tilheyrandi raski á umferð akandi og gangandi vegfarenda.

Hann segir þó að ekki hafi verið hægt að fórna Mikkeller og Systur til að tryggja áframhaldandi líf Dills. Allir staðirnir voru reknir í sama húsi, á sömu kennitölu og á sama leyfinu og „þá lokar allt,“ segir Gunnar Karl. „Það er mikil synd að Dill hafi þurft að falla með hinum tveimur stöðunum, en svona er það.“

Hann segist ekki vita hvert framhaldið verður, það sé einfaldlega í skoðun. Hann geti þannig ekki svarað því hvort búið sé að fara fram á gjaldþrotaskipti staðanna. Vísir hefur ekki náð á Kristinn Vilbergsson, stærsta hluthafa í veitingastöðunum, í morgun.

Aðstandendur staðanna þriggja biðjast, á fyrrnefndum miða sem hangir á Hverfisgötu 12, afsökunar á því ónæði sem lokun þessara víðfrægu staða í miðborginni kann að valda.


Tengdar fréttir

Michelin-kokkur opnar veitingastað í elsta íbúðarhúsi Egilsstaða

Hjónin Kári Þorsteinsson og Sólveig Bjarnadóttir opnuðu nýlega veitingastað á Egilsstöðum í elsta íbúðarhúsi bæjarins, Nielsenshúsi. Þau lýsa því sem langþráðum draumi að vera kominn aftur í sveitina en segja taktinn á Egilsstöðum allt öðru vísi en í Reykjavík – og hvað þá í Kaupmannahöfn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
5,98
19
1.491.650
VIS
2,8
19
263.441
SIMINN
0,75
15
428.677
SJOVA
0,51
21
360.465
EIK
0,38
12
157.342

Mesta lækkun dagsins


Félag
Br.%
Fjöldi
Velta*
MAREL
-4,01
41
1.008.965
LEQ
-2,43
3
69.322
ICEAIR
-2,41
12
36.382
TM
-1,96
11
203.211
KVIKA
-1,94
7
168.078
Velkomin á Vísi. Þessi vefur notar vafrakökur. Sjá nánar.