Viðskipti innlent

Forsvarsmenn WAB air ekkert keypt af þrotabúi WOW air

Kolbeinn Tumi Daðason skrifar
Sveinn Andri Sveinsson er annar tveggja skiptastjóra í þrotabúi WOW.
Sveinn Andri Sveinsson er annar tveggja skiptastjóra í þrotabúi WOW. vísir/vilhelm

„Það er allavega ekki verið að kaupa neinn grunn hjá okkur,“ segir Sveinn Andri Sveinsson, annar tveggja skiptastjóra í þrotabúi WOW air, um vinnu við stofnun nýs flugfélags WAB air.

Markaðurinn greindi frá því í morgun að unnið væri að stofnun nýja flugfélagsins á grunni þrotabús WOW air. Sveinn Andri staðfestir í samtali við Vísi að þeir aðilar sem standi að nýja flugfélaginu hafi ekki keypt nokkuð af þrotabúinu.

WOW air varð gjaldþrota í lok mars og var Sveinn Andri skipaður skiptastjóri auk Þorsteins Einarssonar. Ýmsar rekstrartengdar vörur séu í þrotabúinu sem aðilar hafi gert tilboð í. Þar má nefna tölvubúnað, bókunarkerfi, lénið og lógó svo eitthvað sé nefnt auk varahlutalagers flugfélagsins.

Vilja lán hjá íslenskum banka til að slá lán hjá svissneskum banka

Arnar Már Magnússon, fyrrverandi framkvæmdastjóri flugrekstrarsviðs WOW air, Sveinn Ingi Steinþórsson, sem stýrði hagdeild WOW air og sat í framkvæmdastjórn flugfélagsins, Bogi Guðmundsson, lögmaður hjá Atlantik Legal Services og stjórnarformaður BusTravel, og Þóroddur Ari Þóroddsson sem hefur starfað sem ráðgjafi í flugvélaviðskiptum í Lundúnum.

Sveinn Andri staðfestir að hópurinn hafi sýnt eignum þrotabúsins áhuga, gert tilboð en ekkert samkomulag náðst. Annar aðili hafi keypt það verðmætasta úr þrotabúinu. Hann vill ekki greina frá því á þessum tímapunkti hvaða aðila um ræði en það verði tilkynnt innan tíðar.

Fyrrnefndir fjárfestar fjórir vinna að því í samfloti við írskan fjárfestingasjóð í eigu dóttur eins af stofnefndum lággjaldaflugfélagsins Ryanair að stofna nýja lággjaldaflugfélagið. Vinnuheitið er WAB air eða „We Are Back“ air. Hefur hópurinn leitað til tveggja íslenskra banka og óskað eftir fjögurra milljarða króna láni til að slá lán hjá svissneskum banka.


Tengdar fréttir

Skúli ekki hluti af „We are back“ air

Hópur fjárfesta ásamt tveimur fyrrverandi stjórnendum WOW air vinna að því, í samfloti við írskan fjárfestingarsjóð, sem tengist lággjaldaflugfélaginu Ryanair, að stofna nýtt Íslenskt flugfélag.

Vilja reisa nýtt félag á grunni WOW air

Tveir fyrrverandi stjórnendur hjá WOW air vinna að því að stofna nýtt flugfélag á rústum hins gjaldþrota félags. Írskur fjárfestingarsjóður sem tengist Ryanair-fjölskyldunni tekur þátt í verkefninu. Óska eftir fjögurra milljarða króna láni frá íslenskum bönkum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
1,8
2
677
BRIM
0
0
0
HEIMA
0
1
1.218

Mesta lækkun dagsins


Félag
Br.%
Fjöldi
Velta*
SIMINN
-2,9
12
190.976
KVIKA
-2,8
8
47.966
ARION
-2,54
34
992.823
ICEAIR
-2,17
18
37.233
VIS
-1,93
9
87.062
Velkomin á Vísi. Þessi vefur notar vafrakökur. Sjá nánar.