Viðskipti innlent

Nýr forstöðumaður hjá Póstinum

Stefán Ó. Jónsson skrifar
Georg Haraldsson hefur áður starfað hjá Iceland Travel, Marorku, Völku, Iceland Express og Dohop.
Georg Haraldsson hefur áður starfað hjá Iceland Travel, Marorku, Völku, Iceland Express og Dohop.

Georg Haraldsson mun taka við starfi forstöðumanns stafrænnar þjónustu hjá Íslandspósti í lok sumars, en hann mun stýra þróun og stefnumörkun á stafrænum þjónustuleiðum fyrirtækisins. Félagið gengur nú í gegnum mikið hagræðingarferli - „en við megum ekki missa sjónar af því að við verðum að bæta þjónustu til viðskiptavina og marka skýra sýn fyrir framtíð fyrirtækisins,“ að sögn Birgis Jónssonar, forstjóra Íslandspóst.

Haft eftir forstjóranum í tilkynningu sem send er út vegna ráðningarinnar að Georg muni koma að góðum notum við þá vinnu. Hann hafi reynslu af alþjóðlegri sölustýringu og þróun rafrænna sölu- og markaðsdreifikerfa, en hann kemur til Póstsins frá Iceland Travel þar sem hann gegndi hlutverki forstöðumanns viðskiptastýringar.

„Lykillinn að framúrskarandi þjónustu sem og aukinni hagræðingu er betri nýting á upplýsingatækni og því er ráðning Georgs og aukin áhersla á stafrænar lausnir gríðarlega mikilvægur hluti af umbreytingu fyrirtækisins,“ er haft eftir Birgi í tilkynningunni og bætt við:

„Með ráðningum eins og þessari erum við að tryggja það að hópurinn sem fær það verkefni að umbylta Póstinum, sé vel samsettur af öflugu og kröftugu fólki sem vinnur saman að sameiginlegum markmiðum. Georg er mjög drífandi og reyndur stjórnandi úr alþjóðlegu umhverfi og það mun hjálpa okkur mikið í því stóra verkefni sem liggur fyrir.“

Pósturinn eigi mikið inni

Georg er tölvunarfræðingur frá Háskólanum í Reykjavík og er einnig með meistaragráðu í alþjóðaviðskiptum frá HR og IE Business School. Hann er kvæntur Hjördísi Jónsdóttir, verkefnastjóra hjá Tulipop, og eiga þau fjögur börn. Georg kveðst spenntur fyrir nýja starfinu.

„Pósturinn á mikið inni þegar kemur að stafrænum lausnum og nýir stjórnendur fyrirtækisins eru meðvitaðir um að þær eru mikilvægasta breytan í að bæta þjónustu við viðskiptavini og til þess að finna nýjar virðisaukandi þjónustuleiðir. Ég er þess fullviss að þetta verður krefjandi og jafnframt skemmtilegt verkefni og hlakka ég til að mæta til starfa og takast á við áskorunina að gera Póstinn að framúrskarandi þjónustufyrirtæki,“ segir Georg.


Tengdar fréttir

Ganga þurfi lengra í hagræðingu á starfsemi Íslandspósts

Ríkisendurskoðandi gagnrýnir áætlanagerð fyrirtækisins sem hafi einkennst af of mikilli bjartsýni og skorti á samráði við stjórnvöld. Stjórnendur fyrirtækisins hafi hvorki brugðist nægilega hratt við vandanum né nægilega markvisst.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIK
2,75
23
450.310
REGINN
2,19
14
342.698
ICEAIR
2,1
26
150.345
HAGA
2,02
5
64.712
SKEL
1,62
5
101.370

Mesta lækkun dagsins


Félag
Br.%
Fjöldi
Velta*
BRIM
-0,83
5
1.252.011
ARION
-0,66
11
179.834
KVIKA
-0,48
2
4.035
Velkomin á Vísi. Þessi vefur notar vafrakökur. Sjá nánar.