Innlent

Vændiskaupandi handtekinn í miðborginni

Stefán Ó. Jónsson skrifar
Sérstök eining hefur verið starfandi í tvö ár hjá lögreglunni til að rannsaka mansal og vændi.
Sérstök eining hefur verið starfandi í tvö ár hjá lögreglunni til að rannsaka mansal og vændi. Vísir/Getty

Lögreglan handtók grunaðan vændiskaupanda í miðborginni í nótt. Að sögn lögreglunnar hafði henni borist tilkynning á þriðja tímanum vegna „óvelkomins manns,“ án þess þó að útskýra hvar hann var óvelkominn eða hver tilkynnti um ferðir hans.

Lögreglan skarst í leikinn og handtók manninn á vettvangi vegna gruns um að hann hafi keypt vændi. Maðurinn á auk þess að hafa hunsað fyrirmæli lögreglunnar og verið með fíkniefni í fórum sínum. Hann var fluttur á lögreglustöð þar sem hann hefur mátt verja nóttinni og ætla má að hann verði yfirheyrður í dag.

Að öðru leyti voru það einna helst umferðarlagabrot sem rötuðu inn á borð lögreglunnar í nótt. Flestir ökumannanna sem komust í kast við lögin eru grunaðir um að hafa verið vímaðir undir stýri.

Þá brutust út slagsmál í Hlíðahverfi Reykjavíkur skömmu fyrri klukkan 23 í gærkvöld. Einn maður var handtekinn vegna hótana og fluttur á lögreglustöð þar sem af honum var tekin skýrsla. Að skýrslutöku lokinni fékk hann þó að halda til síns heima.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.