Innlent

Vigdís hafði lög að mæla um Íslandspóst og Isavia

Jakob Bjarnar skrifar
Frá í tíð Vigdísar sem formaður fjárlaganefndar. Hún gagnrýndi þá harkalega reksturinn á ohf-fyrirtækjunum Íslandspósti og Isavia, en hafði ekki erindi sem erfiði.
Frá í tíð Vigdísar sem formaður fjárlaganefndar. Hún gagnrýndi þá harkalega reksturinn á ohf-fyrirtækjunum Íslandspósti og Isavia, en hafði ekki erindi sem erfiði.

„Já, enginn er spámaður í sínu föðurlandi en þetta sýnir og sannar að ég hafði rétt fyrir mér allan tímann,“ segir Vigdís Hauksdóttir borgarfulltrúi Miðflokksins.

Nú þegar rykið er að setjast, forstjórar ríkisfyrirtækjanna Íslandspósts og ISAVIA, hafa tekið hatt sinn og staf og án vafa fengið ásættanlega starfslokasamninga, má velta fyrir sér efni fréttar sem Vísir birti í marsmánuði 2015, eða fyrir fjórum árum. Þá var Vigdís þingmaður Framsóknarflokksins og formaður fjárlaganefndar. Hún fór mikinn, ruggaði bátum og gagnrýndi meðal annars harðlega forstjóra Isavia og Íslandspósts. Taldi þá stunda sukk og svínarí í skálkaskjóli ohf-unar ríkisfyrirtækja. Fyrirkomulag sem hún vildi leggja af.

Eins og krakkar í sælgætisbúð

Vigdís sagði þá Björn Óla Hauksson fyrrverandi forstjóra Isavia og Ingimund Sigurpálsson fyrrverandi forstjóra Íslandspósts, haga sér eins og krakka í sælgætisbúð.

Vigdís vandað ríkisforstjórunum ekki kveðjurnar fyrir fjórum árum og sagði þá haga sér eins og smákrakka í sælgætisbúð. Fjórum árum síðar eru fyrirtækin í bullandi vandræðum og forstjórarnir hættir.

„Það virðist vera sama steypan í rekstri Ísavia og Íslandspósts - bæði félögin eru ohf. Ég hef fyrir löngu efast um það rekstrarform - forstjórar og stjórnir ohf félaga ríkisins haga sér eins og smákrakkar í sælgætisbúð - og svo er sagt við fjárveitingavaldið - ykkur kemur þetta ekki við.“

Nú liggur fyrir, fjórum árum síðar, að þessi fyrirtæki eiga við verulegan rekstrarvanda að stríða.

„Já, þetta kemur mér ekki á óvart,“ segir Vigdís nú í samtali við Vísi. „Þegar ég var formaður fjárlaganefndar höfðum við bæði þessi ohf í gjörgæslu, ef svo má segja.“

„I told you so“

Vigdís segir að þau sem vildu gera þar bragarbót á, grípa til aðgerða, hafi mætt miklu andstreymi. Og stjórnir félaganna ásamt forstjórunum börðust gegn því af alefli.
„Á ég ekki að segja: „I told you so“? En þetta tók tíma með tilheyrandi tekjutapi fyrir ríkið og álitshnekki fyrir þessi félög.“

Ríkisendurskoðandi hefur vegna rekstrarvanda Íslandspósts meðal annarra gagnrýnt skort á samráði og áætlanir sem einkennast af of mikilli bjartsýni. Fréttablaðið/Ernir

Vigdís segist hafa fengið gusurnar yfir sig þegar hún lét þessi mál sig varða. „Enda kona í mikilli þjálfun í þeim efnum,“ segir Vigdís og hlær. Og hún velkist ekki í vafa um hvaða öfl það eru sem við er að eiga.

„Ég og við í meirihluta fjárlaganefndar sáum strax á upphafstíma okkar í nefndinni að reksturinn var í molum í báðum tilvikum en gátum lítið gert þar sem um ohf væri að ræða. E-flokkurinn, sem er aldrei í framboði og er aldrei kosinn = embættismannaflokkurinn.“

Grímulaust skálkaskjól

Ohf-er sem sagt grímulaust skálkaskjól fyrir sukkið og pilsfaldakapítalismann?

„Eigum við eitthvað að ræða RÚV ohf. í þessu sambandi?“ spyr Vigdís.

Ohf stendur fyrir Opinbert hlutafélag og er afbrigði af hlutafélagi sem leitt var í lög árið 2006. Um er að ræða félög sem eru alfarið í eigu hins opinbera, hvort heldur er um að ræða ríkis eða sveitarfélaga eða bæði. Tilgangur fyrirkomulagsins var að með því mætti bæta aðgengi almennings og annara um hlutafélög sem hið opinbera átti en hið þveröfuga hefur í raun gerst. Hin opinberu fyrirtæki vísa jafnan til samkeppnissjónarmiða og vilja helst sem minnstar upplýsingar veita.


Tengdar fréttir

Fátt fær stöðvað illa rekin ríkisfyrirtæki

BSRB, samtök opinberra starfsmanna, börðust kröftuglega fyrir þá félagsmenn sem starfa hjá Íslandspósti á dögunum þegar mótmælt var einkavæðingu ríkisfyrirtækisins.

Stefna Isavia og vilja lægri greiðslur 

Kynnisferðir vilja að greiðslur þeirra til Isavia verði lækkaðar vegna ákvörðunar ríkisfyrirtækisins um að stöðva tímabundið gjaldtöku á fjarstæðum við Keflavíkurflugvöll. Hafi leitt til mismununar og röskunar á samkeppni.

Neituðu að hlutast til um ákvarðanir Isavia

Tveimur dögum áður en WOW fór í þrot höfnuðu fulltrúar þriggja ráðuneyta óskum stjórnar WOW um að "hlutast til um“ að Isavia félli frá heimild til að kyrrsetja leiguþotur. Átti sú ákvörðun að gilda í næstu þrjátíu daga

Íslenskt eftirlit einkennist af hálfkáki

Nefndarmaður í fjárlaganefnd segir eftirlitsstofnanir á Íslandi of ragar við að segja hlutina eins og þeir eru og skýr fyrirmæli skorti. Skýrsla Ríkisendurskoðunar um Íslandspóst var birt í gær.

Úttekt gerð á stjórnsýslu vegna WOW

Umhverfis- og samgöngunefnd Alþingis ákvað í gær að óska eftir skýrslu frá ríkisendurskoðanda um aðkomu Samgöngustofu og Isavia ohf. að starfsemi og rekstri WOW air í aðdraganda og í kjölfar gjaldþrots félagsins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.