Fótbolti

Ajax vill 75 milljónir evra fyrir De Ligt │ Risa samningur bíður Hollendingsins hjá Juventus

Anton Ingi Leifsson skrifar
De Ligt fær ágætis laun nái Ajax og Juventus saman.
De Ligt fær ágætis laun nái Ajax og Juventus saman. vísir/getty
Juventus og Ajax eiga eftir að ná samkomulagi um varnarmanninn Matthijs de Ligt en hollenska liðið vill fá 75 milljónir. Sky á Ítalíu greinir frá.

Hollenski varnarmaðurinn er búinn að ná samkomulagi við Juventus en hann er búinn að samþykkja fimm ára samning sem gefur honum tólf milljónir evra í árslaun.







Juventus og Ajax eiga þó enn eftir að ná saman en varnarmaðurinn spilaði stórt hlutverk í tvöföldum sigri hjá Ajax í heimalandinu. Einnig fór liðið í undanúrslit Meistaradeildarinnar.

Ajax vill 75 milljónir evra fyrir varnarmanninn unga en talið er að PSG sé enn ekki úr myndinni. Frönsku meistararnir eru reiðubúnir að borga uppgefið verð.


Tengdar fréttir




Fleiri fréttir

Sjá meira


×