Veiði

Bleikjan að taka um allt vatn

Karl Lúðvíksson skrifar
Vænar bleikjur úr Þingvallavatni
Vænar bleikjur úr Þingvallavatni Mynd: KL

Þetta er búið að vera einn besti júnímánuður sem margir veiðimenn muna eftir í vatnaveiði og þá sérstaklega á suður og vesturlandi.

Það virðist nokkurn veginn vera sama hvar drepið sé niður fæti, það eru alls staðar fréttir af góðri veiði úr vötnunum. Þingvallavatn hefur ekki verið jafn gjöfult í júní lengi segja þeir sem stunda vatnið af miklum móð og það sama má segja um Úlfljótsvatn en veiðin þar hefur verið góð upp á síðkastið. Á Þingvöllum hafa veiðimenn haft það á orði að það sé næstum því sama hvar maður er staddur í vatninu snemma á morgnana eða seinni part kvöld, sem er klárlega besti tíminn, bleikjan sé bara að taka vel um allt vatn.

Vötnin á Snæfellsnesi eru búin að vera mjög fín en Hraunsfjörður klárlega staðið þar upp úr enda veiðin búin að vera með afbrigðum góð hjá þeim sem þekkja vatnið og 10-20 bleikjur yfir daginn er bara normið. Það virðist vera sem bleikjan sé að koma vel undan vetri í vel flestum vötnum og núna þegar það hlýnaði vel seinni partinn af mánuðinum hefur verið mjög lífleg veiði í vötnunum á láglendinu. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.