Veiði

Erlendum veiðimönnum mun fjölga

Karl Lúðvíksson skrifar

Ísland hefur í áratugi laðað til sín erlenda veiðimenn sem koma hingað vegna þeirra eistöku veiðigæða sem eru á landinu.

Skotland hefur verið Mekka stangveiðimanna enda er Skotland talið vagga fluguveiði í heiminum. En það er af sem áður var og veiðin þar hefur hrunið og afleiðing þess er farið að hafa áhrif á heilu byggðarlögin þar sem ferðamannaiðnaðurinn í kringum veiðimenn er að hverfa með fækkun veiðimanna. Ástæðan fyrir því að veiðimönnum fækkar er hrun í veiði. Sem dæmi veiddust um 32.000 laxar í ánni Spey 2013 en í fyrra veiddust ekki nema um 5.000 laxar. Athugið að stangarfjöldinn er um 600 stangir.

Þessir veiðimenn leita þess vegna annað og í sumar hefur borið mikið á því að sífellt fleiri erlendir veiðimenn koma til landsins og ekki bara til að veiða lax heldur líka til þess að fara í silung. Veiðivísir hitti bandarískan mann í síðustu viku sem hefur verið að skipuleggja ferðir fyrir samlanda sína um Ísland og það er ekki verið að kaupa dýr leyfi heldur bara Veiðikortið og taldi hann að um 100 manns væru að koma ti landsins á hans vegum í sumar. Það er líka greinilega að aukast áhuginn á laxveiði enda er fjölgun erlendra veiðimanna á jaðartímum sem Íslendingar keyptu yfirleitt. Hvort þessi aukna eftirspurn verði til þess að verð hækki frekar er erfitt að segja til um en það gerist nú yfirleitt. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.