Leiðin til að hlúa að sjálfri sér Benedikt Bóas skrifar 1. júní 2019 08:00 Lagið Playground með Karlottu Skagfield hefur vakið athygli á Spotify en lagið er það fyrsta sem hún gefur út. Hún hefur alltaf verið syngjandi og kemur af miklu tónlistarfólki. Frá því að ég man eftir mér hefur mig alltaf langað til að verða tónlistarkona og lagahöfundur. Það var ávallt mikil tónlist í fjölskyldunni, bæði amma, mamma og pabbi voru alltaf með einhvers konar tónlist í gangi þannig að lífið einkenndist af tónlist, góðri tónlist,“ segir Karlotta Skagfield Jónasdóttir en lag hennar Playground hefur vakið verðskuldaða athygli á Spotify. Þetta er fyrsta lagið hennar sem kemur út en hún segist hafa verið að syngja og semja svo lengi sem hún man eftir sér. „Eftir að faðir minn, Jónas Viðar Sveinsson, varð bráðkvaddur 2013 þá kom einhvers konar bakslag og ég kom varla upp tóni né gat samið neitt að ráði og hélt mig alveg frá sviðsljósinu. Ég kláraði engu að síður nám í klassískum söng í Söngskóla Reykjavíkur og kom mér aftur á strik hérna úti í London,“ segir hún en hún er búsett þar og nemur tónsmíðar í British and Irish Modern Music Institute, sem hún kallar BIMM. „Eftir að ég flutti hingað og hóf nám í BIMM þá finn ég hvað ég er að yfirstíga bakslagið. Er orðin tilbúin að láta röddina mína heyrast. Það verður einhvers konar kúvending. Eitt kvöldið þegar ég var alveg að sofna þá kom fyrsta laglínan til mín, milli svefns og vöku. Ég þurfti þá að gjöra svo vel að láta svefninn bíða og grípa penna, gítar, hljómborð og ég veit ekki hvað. Lagið flæddi gjörsamlega yfir mig.“ Svíinn Anton Rung, herbergisfélagi hennar, aðstoðaði við lagið. „Við þekktumst ekkert áður en við fluttum inn í íbúð sem við deilum með öðrum. En með tímanum þá höfum við náð að vinna mjög vel saman að verkefnum. Hann er á „production“-brautinni í sama skóla og býr aðallega til raftónlist. En hann varð mjög hrifin af tónlistinni minni og vildi endilega hjálpa mér að vinna hana betur og upp frá því höfum við verðið að starfa saman.“ Karlotta er fædd í Toscana-héraðinu á Ítalíu. Móðir hennar, Sólveig Baldursdóttir, var að vinna þar með marmara og faðirinn að læra myndlist. Tónlistin er henni í blóð borin en amma hennar er Edda Skagfield söngkona og langafinn er Sigurður Skagfield óperusöngvari. „Lagið er í rauninni mínar hugleiðingar um fortíðina. Það að maður getur aldrei vitað fyrirfram hvað gerist í lífinu og allt í einu getur öllu verið kippt undan manni. Þá hugsa ég oft til baka þegar ég var yngri og bara það að ég hafði ekki hugmynd um hvernig hlutirnir myndu atvikast. Kannski er þetta mín leið til þess að hlúa að sjálfri mér.“ Birtist í Fréttablaðinu Tónlist Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Lofar svakalegri veislu Tónlist Krakkatían: Níu líf, karfan og víkingar Lífið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Fékk skyndihugmynd og er nú í blómahafi heima fyrir Lífið Heiður Ósk og Davíð eru nýtt par Lífið Fréttatía vikunnar: Skúlptúrar, ráðherrarifrildi og EM Lífið Líður bókstaflega óstöðvandi í góðu fitti Tíska og hönnun Fleiri fréttir Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Sjá meira
Frá því að ég man eftir mér hefur mig alltaf langað til að verða tónlistarkona og lagahöfundur. Það var ávallt mikil tónlist í fjölskyldunni, bæði amma, mamma og pabbi voru alltaf með einhvers konar tónlist í gangi þannig að lífið einkenndist af tónlist, góðri tónlist,“ segir Karlotta Skagfield Jónasdóttir en lag hennar Playground hefur vakið verðskuldaða athygli á Spotify. Þetta er fyrsta lagið hennar sem kemur út en hún segist hafa verið að syngja og semja svo lengi sem hún man eftir sér. „Eftir að faðir minn, Jónas Viðar Sveinsson, varð bráðkvaddur 2013 þá kom einhvers konar bakslag og ég kom varla upp tóni né gat samið neitt að ráði og hélt mig alveg frá sviðsljósinu. Ég kláraði engu að síður nám í klassískum söng í Söngskóla Reykjavíkur og kom mér aftur á strik hérna úti í London,“ segir hún en hún er búsett þar og nemur tónsmíðar í British and Irish Modern Music Institute, sem hún kallar BIMM. „Eftir að ég flutti hingað og hóf nám í BIMM þá finn ég hvað ég er að yfirstíga bakslagið. Er orðin tilbúin að láta röddina mína heyrast. Það verður einhvers konar kúvending. Eitt kvöldið þegar ég var alveg að sofna þá kom fyrsta laglínan til mín, milli svefns og vöku. Ég þurfti þá að gjöra svo vel að láta svefninn bíða og grípa penna, gítar, hljómborð og ég veit ekki hvað. Lagið flæddi gjörsamlega yfir mig.“ Svíinn Anton Rung, herbergisfélagi hennar, aðstoðaði við lagið. „Við þekktumst ekkert áður en við fluttum inn í íbúð sem við deilum með öðrum. En með tímanum þá höfum við náð að vinna mjög vel saman að verkefnum. Hann er á „production“-brautinni í sama skóla og býr aðallega til raftónlist. En hann varð mjög hrifin af tónlistinni minni og vildi endilega hjálpa mér að vinna hana betur og upp frá því höfum við verðið að starfa saman.“ Karlotta er fædd í Toscana-héraðinu á Ítalíu. Móðir hennar, Sólveig Baldursdóttir, var að vinna þar með marmara og faðirinn að læra myndlist. Tónlistin er henni í blóð borin en amma hennar er Edda Skagfield söngkona og langafinn er Sigurður Skagfield óperusöngvari. „Lagið er í rauninni mínar hugleiðingar um fortíðina. Það að maður getur aldrei vitað fyrirfram hvað gerist í lífinu og allt í einu getur öllu verið kippt undan manni. Þá hugsa ég oft til baka þegar ég var yngri og bara það að ég hafði ekki hugmynd um hvernig hlutirnir myndu atvikast. Kannski er þetta mín leið til þess að hlúa að sjálfri mér.“
Birtist í Fréttablaðinu Tónlist Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Lofar svakalegri veislu Tónlist Krakkatían: Níu líf, karfan og víkingar Lífið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Fékk skyndihugmynd og er nú í blómahafi heima fyrir Lífið Heiður Ósk og Davíð eru nýtt par Lífið Fréttatía vikunnar: Skúlptúrar, ráðherrarifrildi og EM Lífið Líður bókstaflega óstöðvandi í góðu fitti Tíska og hönnun Fleiri fréttir Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Sjá meira