Fótbolti

Aðeins tveir verið fljótari að skora í úrslitaleik en Salah

Ingvi Þór Sæmundsson skrifar
Salah fagnar marki sínu.
Salah fagnar marki sínu. vísir/getty
Aðeins tveir leikmenn hafa verið sneggri að skora í úrslitaleik Meistaradeildar Evrópu/Evrópukeppni meistaraliða en Mohamed Salah.

Aðeins 108 sekúndur voru liðnar af úrslitaleik Tottenham og Liverpool í Madríd þegar Salah skoraði úr vítaspyrnu. Hún var dæmd á Moussa Sissoko sem handlék boltann innan vítateigs.

Paolo Maldini skoraði eftir aðeins 51 sekúndu í úrslitaleik AC Milan og Liverpool í Istanbúl 2005. Milan var 3-0 yfir í hálfleik en endaði á því að tapa leiknum í vítaspyrnukeppni.

Í úrslitaleik Evrópukeppni meistaraliða 1959 kom Enrique Mateos Real Madrid yfir gegn Reims eftir mínútu leik. Real Madrid vann leikinn, 2-0.



Mark Salah var það eina mark í fyrri hálfleiknum í úrslitaleiknum í Madríd. Fylgjast má með leiknum í beinni textalýsingu með því að smella hér.


Tengdar fréttir




Fleiri fréttir

Sjá meira


×