Veiði

Nú þurfa laxveiðiárnar rigningu

Karl Lúðvíksson skrifar
Það er farið að vanta hressilegar rigningar á suður og vesturlandi og sumarið varla byrjað.
Það er farið að vanta hressilegar rigningar á suður og vesturlandi og sumarið varla byrjað. Mynd: SVFR

Laxveiðin hófst á laugardaginn í Þjórsá og hún eins og nokkrar aðrar laxveiðiár þarf víst ekki að hafa of miklar áhyggjur af vatnsleysi í sumar.

Þær ár sem veiðimenn geta treyst á varðandi vatn eru til dæmis Þjórsá, Blanda, Ytri og Eystri Rangá, Sogið, Skjálfandafljót og Jökla, þetta er ekki tæmandi listi en þessar kannski þekktastar. Það er deginum ljósara að dragárnar á vesturlandi gæti átt ansi erfitt sumar í vændum þar sem það hefur ekki ringt að nokkru nemi allan maí mánuð og það stefnir í 7-10 daga þurrk í viðbót. Árnar eru þegar farnar að finna vel fyrir þessu og það er varla nokkur sem man eftir Norðurá í jafn litlu vatni þegar opnun brestur á eins og núna. 

Norðvesturland er líka búið að vera ansi þurrt og það er sama sagan þar, árnar margar hverjar orðnar eins og þær eru á þurrkasumri í ágúst en júní var bara að byrja svo þetta lofar ekki góðu. Veiðimenn eru líklega að biðja um rigningu á suður og vesturlandi á sama tíma og veiðimenn á norður og austurlandi yrðu bara þakklátir fyrir að fá smá sól og kannski ef Guð lofar tveggja stafa hitatölur?



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.