Viðskipti innlent

Ármann úr forstjórastóli Kviku

Stefán Ó. Jónsson skrifar
Ármann Þorvaldsson, fráfarandi forstjóri Kviku banka.
Ármann Þorvaldsson, fráfarandi forstjóri Kviku banka.

Ármann Þorvaldsson hefur farið fram á að breyta hlutverki sínu hjá Kviku og hætta sem forstjóri Kviku, en mun samtímis taka við starfi aðstoðarforstjóra bankans. Marinó Örn Tryggvason tekur við forstjórastöðunni, en hann hefur gegnt stöðu aðstoðarforstjóra frá 2017.

Í tilkynningu Kviku til Kauphallarinnar segir jafnframt að starf Ármanns muni í framhaldinu „ einskorðast við uppbyggingu viðskiptatengsla, þróun viðskiptatækifæra og að styðja við áframhaldandi uppbyggingu á starfsemi bankans í Bretlandi.“

Ármann segir í tilkynningunni að hann hafi ekki áhuga á því að sinna hinum „umtalsverðu stjórnunarlegu skyldum,“ sem fylgja forstjórastarfinu, til langframa. 

Marinó Örn Tryggvason kvika

Hins vegar vilji hann áfram starfa hjá Kviku og einbeita sér að „verkefnum sem snúa að því að styrkja tengsl við viðskiptavini og þróa viðskiptatækifæri. Uppbyggingin á starfsemi bankans í Bretlandi hefur gengið mjög vel á undanförnum árum og ljóst að þar eru sóknartækifæri til framtíðar fyrir Kviku. Með þessari breytingu tel ég að hægt sé að nýta betur reynslu mína, þekkingu og tengsl í Bretlandi til þess að styðja við áframhaldandi vöxt þar.“

Haft er eftir Marinó Erni, sem starfaði áður hjá Arion banka og forvera hans frá árinu 2002, að honum hafi þótt gefandi að starfi fyrir Kviku undanfarin tvö ár.

„Hjá Kviku starfar hópur öflugra starfsmanna sem verður gaman að starfa áfram með. Starfsumhverfi fjármálafyrirtækja er að breytast og Kvika er í einstakri stöðu til þess að nýta tækifæri framtíðarinnar. Það er spennandi verkefni að halda áfram að byggja upp öflugt fjármálafyrirtæki með stjórn og starfsmönnum bankans,“ segir Marinó, sem er með BSc í viðskiptafræði frá Háskóla Íslands og hefur lokið prófi í verðbréfaviðskiptum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
1,8
2
677
BRIM
0
0
0
HEIMA
0
1
1.218

Mesta lækkun dagsins


Félag
Br.%
Fjöldi
Velta*
SIMINN
-2,9
12
190.976
KVIKA
-2,8
8
47.966
ARION
-2,54
34
992.823
ICEAIR
-2,17
18
37.233
VIS
-1,93
9
87.062
Velkomin á Vísi. Þessi vefur notar vafrakökur. Sjá nánar.