Viðskipti innlent

Vegir Landsvirkjunar á við hálfan hringveginn í lengd

Kristján Már Unnarsson skrifar
Frá Þjórsárdalsvegi við Stóra-Núp ofan Árness. Þjóðvegurinn um Skeiða- og Gnúpverjahrepp var byggður upp í tengslum við smíði Búrfellsvirkjunar.
Frá Þjórsárdalsvegi við Stóra-Núp ofan Árness. Þjóðvegurinn um Skeiða- og Gnúpverjahrepp var byggður upp í tengslum við smíði Búrfellsvirkjunar. Mynd/Stöð 2.

Landsvirkjun hefur á rúmlega hálfrar aldar starfstíma sínum lagt vegi á landinu sem samsvarar vegalengdinni milli Reykjavíkur og Egilsstaða. Fjárfesting orkufyrirtækisins í vegagerð nemur yfir tíu milljörðum króna á þessu tímabili á núverandi verðlagi. Þetta kom fram í fréttum Stöðvar 2. 

Við sögðum á dögunum frá vegagerð Landsvirkjunar vegna Þeistareykjavirkjunar en með henni skapast ný ferðamannaleið um áhugavert svæði milli Húsavíkur og Mývatns.

Landsvirkjun hefur raunar allt frá smíði Búrfellsvirkjunar staðið fyrir umfangsmikilli vegagerð í tengslum við framkvæmdir sínar. Þannig tók hún þátt í að byggja upp Skeiðaveg alla leið frá þjóðvegi 1 og inn að Búrfelli. 

Vegir sem lagðir voru vegna virkjana á Þjórsár- og Tungnaársvæðinu eru ein helsta tenging almennings inn á hálendi landsins. Stöð 2/Arnar Halldórsson.

Síðar byggði Landsvirkjun upp veginn frá Búrfelli og inn að Þórisvatni og með bundnu slitlagi sem nær að Vatnsfelli. Jafnframt fylgdu brýr yfir Þjórsá og Tungnaá en þessi vegagerð hefur átt stóran þátt í að greiða almenningi leið inn á hálendið. 

Vegirnir sem Landsvirkjun lagði vegna Blönduvirkjunar fyrir um þrjátíu árum eru eitt dæmið. Þeir eru einnig hluti Kjalvegar og ná langleiðina inn að Hveravöllum. 

Vegna Kárahnjúkavirkjunar var lagður nærri sextíu kílómetra vegur með bundnu slitlagi úr Fljótsdal og inn á öræfin.

Vegir Landsvirkjunar nema alls 646 kílómetrum. Gulu línurnar tákna gróflega helstu vegi og slóða á hverju svæði en sýna ekki alla vegi. Grafík/Tótla

Samkvæmt tölum sem Landsvirkjun tók saman fyrir okkur nemur lengd veganna á Þjórsársvæði nú 234 kílómetrum. Á Blöndusvæði 258 kílómetrum, en þar eru að mestu heiðarvegir. Á Þeistareykjasvæði verða vegirnir 48 kílómetra langir og á Kárahnjúkasvæði eru þeir 106 kílómetra langir.

Landsvirkjunarvegir eru alls 646 kílómetrar, þar af hefur fyrirtækið sjálft alfarið kostað 593 kílómetra. 

Af stærstu brúm má nefna eina á Þjórsá, þrjár á Tungnaá og eina á Jökulsá í Fljótsdal, en hana greiddi orkufyrirtækið að hluta. Þá eru ekki talin með stíflumannvirki sem nýtast sem brýr.

Yfirlit um hvernig fjárfestingar Landsvirkjunar í vegagerð skiptast. Í B-flokki eru þeir vegir sem Vegagerðin hefur endurgreitt Landsvirkjun, alls 53 kílómetrar. Grafik/Tótla.

Vegina flokkar Landsvirkjun í þrjá flokka, Vegagerðin tók yfir rekstur þeirra sem eru í A-flokki, upp á 4,5 milljarða króna, í B-flokki eru þeir sem Vegagerðin endurgreiddi Landsvirkjun, og í C-flokki eru þeir sem fyrirtækið hefur lagt vegna reksturs virkjana og samninga við heimamenn, upp á 2,3 milljarða króna. 

Landsvirkjun hefur kostað um 800 milljónum króna í varanlegt slitlag, í brúargerð um þremur milljörðum króna og áætlar gróflega að vegagerð hennar í gegnum tíðina nemi nú 10,6 milljörðum króna á núverandi verðlagi.

Hér má sjá frétt Stöðvar 2:


Tengdar fréttir

Ný akleið opnast milli Mývatns og Húsavíkur

Landsvirkjun er að hefja lagningu heilsársvegar sem tengja mun Þeistareyki og Mývatnssveit. Þetta verður ein stærsta vegagerð ársins og mun opna áhugaverða hringleið fyrir ferðamenn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REGINN
1,95
13
154.180
KVIKA
0,79
3
26.427
SIMINN
0,56
3
33.788
MAREL
0,54
25
675.501
SKEL
0,25
3
5.182

Mesta lækkun dagsins


Félag
Br.%
Fjöldi
Velta*
EIK
-2,88
17
153.220
SJOVA
-2,54
8
107.416
TM
-2,48
6
95.263
VIS
-2,35
1
12.050
ICEAIR
-1,32
38
108.834
Velkomin á Vísi. Þessi vefur notar vafrakökur. Sjá nánar.