Viðskipti innlent

Ráðuneytin telja ekki ástæðu til að lengja skipunartíma seðlabankastjóra

Kristinn Ingi Jónsson skrifar
Már Guðmundsson seðlabankastjóri.
Már Guðmundsson seðlabankastjóri. Fréttablaðið/Vilhelm
Forsætisráðuneytið og fjármála- og efnahagsráðuneytið telja ekki ástæðu til þess að lengja skipunartíma seðlabankastjóra og varaseðlabankastjóra úr fimm árum í sex eða sjö ár, líkt og Seðlabankinn hefur lagt til. Ráðuneytin benda á að skipunartíminn hafi verið styttur með lagabreytingu árið 2009 með það að markmiði að samræma skipunartíma embættismanna innan Seðlabankans annars vegar og skipunartíma annarra embættismanna ríkisins hins vegar.



Í umsögn Seðlabankans við frumvarp um sameiningu bankans og Fjármálaeftirlitsins, sem nú liggur fyrir Alþingi, er bent á að í ljósi fjölgunar varaseðlabankastjóra – en frumvarpið gerir ráð fyrir að ráðherra skipi seðlabankastjóra og þrjá varaseðlabankastjóra til fimm ára í senn – geti takmarkaður skipunartími leitt til þess að erfitt verði að skipa í stöðurnar, enda sé þörf á ákveðinni hæfni til að gegna embættunum.



„Tíðni breytinga á því hverjir sitji í stólum seðlabankastjóra og varaseðlabankastjóra eykst eftir því sem skipunartíminn er styttri og hópur hæfra einstaklinga til að skipa þær þarf að vera stærri,“ segir Seðlabankinn.



Í þessu sambandi verði jafnframt að hafa í huga að skipunartími seðlabankastjóra sé almennt lengri í þeim ríkjum sem við berum okkur gjarnan saman við.



Í nýlegu minnisblaði sem forsætisráðuneytið og fjármála- og efnahagsráðuneytið tóku saman er þessu sjónarmiði Seðlabankans hins vegar hafnað, eins og áður sagði.

Tengd skjöl




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MAREL
1,83
7
101.313
SIMINN
1,18
1
419
HAGA
0,63
1
24.100
ICEAIR
0,54
21
12.420
VIS
0,15
1
102

Mesta lækkun dagsins


Félag
Br.%
Fjöldi
Velta*
SJOVA
-0,39
2
4.192
REITIR
-0,29
3
10.593
TM
-0,15
3
33.668
EIK
-0,14
2
1.096
REGINN
0
1
1.644
Velkomin á Vísi. Þessi vefur notar vafrakökur. Sjá nánar.