Kíktu á æfingu hjá Val og Selfossi: Klefastemning og skotkeppni

Undanúrslitaeinvígi Selfoss og Vals í Olís-deild karla í handbolta fór af stað með látum á þriðjudagskvöldið þegar að Selfoss vann, 35-34, í framlengdum fyrsta leik liðanna á Selfossi. Leikur tvö fer fram annað kvöld í Origo-höllinni og hefst útsending á Stöð 2 Sport HD klukkan 19.15.

Olís hefur verið að hita upp fyrir einvígin hjá stelpunum og strákunum og að þessu sinni var kíkt á stemninguna hjá Valsmönnum og Selfyssingum sem hafa spilað nokkra frábæra leiki á tímabilinu.

Þeir Bjarki og Bolli kíktu á æfingu hjá liðunum og fengu þar að kíkja inn í klefa. Þá fóru þeir einnig í sláarkeppni við stjörnur Olís-deildarinnar og einnig reyndi Bjarki greyið að verja skot frá bestu skotmönnum deildarinnar.

Sjón er sögu ríkari hér að neðan.