Stórleikur Arnars í spennutrylltum Íslendingaslag

Arnar Birkir Hálfdánsson fór á kostum í Íslendingaslag er SönderjyskE vann eins marks sigur á THH Holstebro, 29-28, í danska boltanum í kvöld.

Vignir Svavarsson og félagar í TTH voru einu marki yfir í hálfleik, 15-14, en sigurmark SönderjyskE skoraði sigurmarkið 22 sekúndum fyrir leikslok. Það gerði markmaður liðsins.

Arnar Birkir skoraði átta mörk út tíu skotum en auk þess gaf hann þrjár stoðsendingar. Vignir Svavarsson skoraði eitt mark úr sínu eina skoti.

SönderjyskE er í þriðja sætinu með fjögur stig í riðli eitt í úrslitakeppninni en Holstebro er á botni riðilsins, fjórða sætinu, með þrjú stig.

Ólíklegt er að þessi lið fari í undanúrslitin en tvö efstu liðin úr hvorum riðli fara í undanúrslit.