Viðskipti innlent

Fengu uppsagnarbréf með páskaegginu frá Bernhard

Kolbeinn Tumi Daðason skrifar
Höfuðstöðvar Bernhard í Vatnagörðum í Reykjavík.
Höfuðstöðvar Bernhard í Vatnagörðum í Reykjavík. Já.is

Meirihluta starfsmanna Bernhard ehf. var sagt upp í liðinni viku í tengslum við kaup Öskju á þeim hluta reksturs Bernhard sem fer með Honda umboðið á Íslandi. Tilkynnt var um kaupin í dag. Um þrjátíu starfsmenn eru skráðir á heimasíðu Bernhard en eftir því sem Vísir kemst næst er fjöldi starfsmanna á fimmta tug.

Voru það helst bifvélavirkjar á verkstæðinu og sölustjórar hverrar deildar sem héldu vinnunni. Starfsfólk á skrifstofu, langflestir sölumenn og markaðsfólk missti vinnuna.

Rekstur Bernhard hefur gengið brösulega undanfarin misseri og var útibúi í Reykjanesbæ lokað upp úr áramótum. Fyrirtækið seldi bílaleiguna Ice Rental Cars um miðjan mánuðinn og töldu flestir starfsmenn að boðaður starfsmannafundur á miðvikudaginn tengdist þeirri sölu. Það kom flestum í opna skjöldu þegar framkvæmdastjórinn Gylfi Gunnarsson greindi frá uppsögnunum sama dag og starfsmenn fengu páskaegg að gjöf.

Samkvæmt heimildum Vísis var stemmningin afar þung þar sem fólki fannst tímasetningin ekki upp á marga fiska. Á leiðinni inn í páskafrí með fjölskyldum sínum.

Flestir starfsmenn Bernhard starfa í Vatnagörðum í Sundahöfn í Reykjavík þar sem nýju bílarnir eru auk verkstæðisins. Þá er starfsstöð á Eirhöfða með notuðum bílum.

Geir Gunnarsson, forstjóri Bernhard, vildi ekki tjá sig um málið við Vísi þegar náðist í hann í dag. Hann vísaði á fyrrnefndan Gylfa sem ekki hefur svarað símtölum fréttastofu.

Jón Trausti Ólafsson, forstjóri Öskju, segir í samtali við Vísi að Askja geri ráð fyrir að bjóða mörgum af þeim sem starfa við Honda-umboðið vinnu. Kaupin væru í áreiðanleikakönnun þessa stundina og framhaldið muni skýrast endanlega á næstu vikum.

Bernhard tapaði 371 milljón króna árið 2017 eftir 25 milljóna króna hagnað árið á undan. Skuldir fyrirtækisins í árslok 2017 námu 2,1 milljarði króna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SJOVA
2,53
12
184.232
ICEAIR
2
25
218.726
TM
1,64
3
40.650
SYN
1,48
8
74.284
ORIGO
1,12
4
39.306

Mesta lækkun dagsins


Félag
Br.%
Fjöldi
Velta*
KVIKA
-1,09
2
14.507
REGINN
-0,99
4
62.307
EIM
-0,81
1
173
HEIMA
-0,79
2
42.030
SIMINN
-0,68
3
11.947
Velkomin á Vísi. Þessi vefur notar vafrakökur. Sjá nánar.