Viðskipti erlent

Apple Watch nákvæmast heilsuúra sem skrá oft kolrangar vegalengdir hlaupara

Vésteinn Örn Pétursson skrifar
Apple úrin eru talin hvað nákvæmust þegar kemur að skráðri hlaupavegalengd.
Apple úrin eru talin hvað nákvæmust þegar kemur að skráðri hlaupavegalengd. Justin Sullivan/Getty

Rannsókn neytendavöktunarsíðunnar Which? frá Bretlandi hefur leitt í ljós að heilsuúr hinna ýmsu tæknifyrirtækja geta verið mjög mistæk  þegar kemur að því að halda utan um hlaupaárangur.

Heilsuúr eru tegund snjallúra sem gerir notendum kleift að halda utan um heilsutengdan árangur sinn, svo sem hjartslátt meðan á æfingu stendur, fitubrennslu og hlaupna vegalengd.

Rannsókn Which? hefur þó sýnt fram á að heilsuúr sem þessi eru misnákvæm þegar kemur að mælingu þeirrar vegalengdar sem notendur hlaupa hverju sinni. 

Mælingin var framkvæmd þannig að rannsakendur hlupu maraþon,  42,2 kílómetra, og fylgdust með því hvenær úrin skráðu að maraþoni væri lokið. Alls voru 118 mismunandi heilsuúr (e. fitness trackers) prófuð.

Mesti munurinn á mældri og raunverulegri vegalengd var hjá Garmin-úrinu Vivosmart 4, en hlaupa þurfti auka 17,3 kílómetra til þess að fá heilt maraþon skráð. Því voru hlaupnir rúmlega 59 kílómetrar í stað 42,2.

Samkvæmt rannsókninni er Apple Watch úrið hvað nákvæmast en skeikaði þó um 1% umfram raunverulega lengd maraþonsins. Því þarf að hlaupa um 420 metrum lengra en raunverulegt maraþon er til þess að fá maraþon skráð í tækið.

Meðal annarra úra sem kröfðust lengri vegalengdar en maraþon eru í raun voru Samsung Gear S2, um 16 kílómetrar, og Xiaomi Amazfit Bip, um 13 kílómetrar. Aðeins þurfti að hlaupa rétt rúma 30 kílómetra til þess að Huawei Watch 2 Sport úrið skráði að hlaupið hefði verið heilt maraþon.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
3,1
5
46.200
MAREL
3,07
22
584.666
REGINN
2,35
5
48.606
EIK
2,15
6
82.684
FESTI
2,14
10
143.706

Mesta lækkun dagsins


Félag
Br.%
Fjöldi
Velta*
ICEAIR
-0,72
12
29.385
Velkomin á Vísi. Þessi vefur notar vafrakökur. Sjá nánar.