Veiði

Hraunsfjörður fer að vakna

Karl Lúðviksson skrifar
Bleikjurnar í Hraunsfirði geta verið vænar.
Bleikjurnar í Hraunsfirði geta verið vænar. Mynd: Veiðikortið

Hraunsfjörður er vinsælt veiðivatn enda er á góðum degi hægt að gera mjög fína veiði þar og það skemmir ekkert fyrir að fiskurinn getur verið vænn.

Besta veiðin í vatninu er yfirleitt í júlí og ágúst en vorveiðin getur engu að síður oft verið ágæt en hún fer auðvitað mikið eftir veðri. Í vatninu er mest sjóbleikja en einnig stöku urriði og lax. Þegar vorin eru góð fer sjóbleikjan oft að taka ágætlega en það þarf engu að síður oft nokkra þolinmæði og ástundun til að ganga vel í vatninu. Bleikjan getur nefnilega eins og veiðimenn þekkja verið ansi dyntótt og takan kemur í skotum. Það hefur þó yfirleitt verið best í rólegu veðri á hlýnandi dögum en það er einmitt það sem er væntanlegt samkvæmt spánni en í litlum skrefum þó. Hraunsfjörður er hluti af Veiðikortinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.