Viðskipti innlent

Gervigreindarmógúll frá KPMG til Advania

Stefán Ó. Jónsson skrifar
Helgi Svanur Haraldsson.
Helgi Svanur Haraldsson.

Helgi Svanur Haraldsson hefur verið ráðinn til Advania til að leiða þjónustu fyrirtækisins á sviði gervigreindar. Hann fór áður fyrir stafrænni umbreytingu, sjálfvirknivæðingu og gagnavísindum hjá KPMG á Íslandi.

Í tilkynningu frá Advania, þar sem greint er frá ráðningunni, er ferill Helga reifaður. Hann lauk meistaragráðu í stærðfræði frá háskólanum í Warwick á Bretlandseyjum og hefur meðal annars starfað sem ráðgjafi fyrir Deloitte við gagnastjórnun. 

Þá er hann jafnframt sagður hafa komið „viðburðaappinu“ Who's Up á legg og nýtt gervigreind til að tengja fólk saman. Samhliða því á Helgi Svanur að hafa starfað sjálfstætt við gagnavísindi og arkitektúr gagnakerfa í fjármálageira og smásölu í Singapore, Shanghai og London.  

„Gervigreind er ekki lengur eitthvað sem aðeins er stundað á rannsóknarstofum heldur er tæknin orðin aðgengileg og getur reynst fyrirtækjum mjög arðbær. Helgi Svanur kemur með mikla þekkingu og reynslu af gervigreind og leiðir sókn Advania á því sviði. Það er tímabært að íslensk fyrirtæki nýti sér þessa tækni til að skapa sér samkeppnisforskot,“ segir Kristinn Eiríksson framkvæmdastjóri viðskiptalausna Advania, í fyrrnefndri tilkynningu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
4,27
1
458
SIMINN
2,25
25
930.473
BRIM
1,39
2
349
MAREL
1,38
24
571.432
REITIR
1,22
3
123.480

Mesta lækkun dagsins


Félag
Br.%
Fjöldi
Velta*
FESTI
-1,59
3
186.188
TM
-0,63
1
712
KVIKA
0
4
5.881
ICEAIR
0
15
58.432
EIK
0
2
51.510
Velkomin á Vísi. Þessi vefur notar vafrakökur. Sjá nánar.