Golf

Tiger kominn í átta manna úrslit

Ingvi Þór Sæmundsson skrifar
Tiger sýndi gamla takta í dag.
Tiger sýndi gamla takta í dag. vísir/getty
Tiger Woods hafði betur gegn Rory McIlroy í 16-manna úrslitum heimsmeistaramótsins í holukeppni í dag.

Þetta er í fyrsta sinn í sex ár sem Tiger tekur þátt á þessu móti. Í 8-manna úrslitunum mætir hann Lucas Bjerregaard. Sá danski hafði betur gegn Henrik Stenson í 16-manna úrslitunum.

Tiger var alltaf með yfirhöndina en McIlroy hleypti spennu í leikinn undir lokin. Tiger tryggði sér hins vegar sigurinn á 17. holu.

Átta-manna úrslitin eru hafin en sýnt er frá mótinu á Golfstöðinni. Mótinu lýkur svo á morgun.

Tiger hefur þrisvar sinnum unnið HM í holukeppni, síðast árið 2008.




Fleiri fréttir

Sjá meira


×