Gerrard tapaði orrustunni um Glasgow

Það var hart barist í höfuðborg Skotlands í dag þegar Glasgow stórveldin Celtic og Rangers mættust á Celtic Park en fyrrnefnda liðið er reyndar búið að tryggja sér efsta sæti deildarkeppninnar þó enn séu tvær umferðir eftir en úrslitakeppni mun skera úr um hvaða lið verður Skotlandsmeistari.

Það var því ekki ýkja mikið undir í dag þar sem Rangers er með nokkuð örugga stöðu í 2.sæti deildarinnar.

Odsonne Edouard kom Celtic yfir á 27.mínútu og skömmu síðar, eða á 31.mínútu, fékk helsti sóknarmaður Rangers, Alfredo Morales, að líta beint rautt spjald. Ekki í fyrsta skipti á leiktíðinni.

Einum færri tókst Rangers að jafna metin með marki Ryan Kent á 63.mínútu. Heimamenn áttu hins vegar lokaorðið því James Forrest skoraði sigurmarkið á 87.mínútu. Lokatölur 2-1 fyrir deildarmeistara Celtic.