Handbolti

Sigursteinn Arndal tekur við FH

Tómas Þór Þórðarson skrifar
Sigursteinn Arndal tekur við uppeldisfélaginu sínu. Hér er hann með Ásgeiri Jónssyni, formanni FH, á blaðamannafundinum í dag.
Sigursteinn Arndal tekur við uppeldisfélaginu sínu. Hér er hann með Ásgeiri Jónssyni, formanni FH, á blaðamannafundinum í dag. Vísir/TOM

Sigursteinn Arndal var í dag ráðinn næsti þjálfari FH í Olís-deild karla í handbolta en hann tekur við liðinu eftir tímabilið þegar að Halldór Jóhann Sigfússon lætur af störfum.

Sigursteinn Arndal skrifar undir þriggja ára samning við FH en samningurinn var kynntur í Kaplakrika í dag.

Sigursteinn er uppalinn hjá FH og spilaði lengi með liðinu og var þar aðstoðarþjálfari um tíma. Hann þjálfaði áður U20 og U21 árs landslið Íslands og er kominn aftur inn í teymið þar.

Halldór Jóhann Sigfússon, sem gerði FH að bikarmeisturum um helgina, ákvað að framlengja ekki samninginn sinn í Kaplakrika en hann er að fara að stýra yngri landsliðum Barein.

Sigursteinn Arndal hefur verið einn af aðalmönnunum í kringum Olís-deildina á Stöð 2 Sport þar sem hann meðlýsir í öllum beinum útsendingum.

FH-liðið fór í úrslit Olís-deildarinnar á síðustu leiktíð en tapaði fyrir ÍBV og það fór sömuleiðis alla leið árið 2017 en tapaði þá fyrir Val.

FH er í fjórða sæti Olís-deildarinnar eftir 17 umferðir en liðið mætir næst Aftureldingu í stórleik á sunnudagskvöldið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.