Körfubolti

Meistararnir stöðvuðu heitasta liðið

Eiríkur Stefán Ásgeirsson skrifar
Steph Curry í leiknum í nótt.
Steph Curry í leiknum í nótt. Vísir/Getty

Meistararnir í Golden State Warriors stöðvuðu sigurgöngu Houston Rockets í NBA-deildinni í nótt þegar liðin áttust við í Texas. Golden State vann tveggja stiga sigur, 106-104.

Houston hafði unnið níu leiki í röð fyrir leikinn í nótt en Golden State hafði aðeins unnið fjóra af síðustu tíu leikjum sínum.

Klay Thompson átti góðan leik fyrir Golden State en hann var með 30 stig og sex fráköst. Steph Curry var með 24 stig en þess má geta að Kevin Durant missti af leiknum í nótt vegna meiðsla.

James Harden náði að skora 29 stig auk þess að gefa tíu stoðsendingar fyrir Houston en hann hitti illa í nótt og nýtti aðeins tvö af tólf þriggja stiga skotum sínum.



Heimamenn náðu að minnka muninn niður í eitt stig á lokamínútunum en Golden State reyndist sterkari aðilinn í lokin.

Golden State er á toppi vesturdeidlarinnar með 46 sigra en Houston er í fjórða sætinu með 42.

Oklahoma City er svo í þriðja sætinu en liðið hafði betur gegn Brooklyn á heimavelli í nótt, 108-96. Russell Westbrook var með enn einu þreföldu tvennuna en hann var með 31 stig, tólf fráköst og ellefu stoðsendingar.



Úrslit næturinnar:
Washington - Orlando 100-90
Oklahoma City - Brooklyn 108-96
Miami - Detroit 108-74
Atlanta - Memphis 132-111
Houston - Golden State 104-106
Phoenix - Utah 97-114

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.