Leicester City borgaði næstum því einn og hálfan milljarð fyrir Rodgers

Leicester City vildi fá Brendan Rodgers sem knattspyrnustjóra ferilsins og var heldur betur tilbúið að borga fyrir það.

Brendan Rodgers var á miðju tímabili með Celtic en Leicester náði samkomulagi við skoska félagið.

Nú er komið í ljós að það kostaði Leicester City 9 milljónir punda að taka Rodgers frá Celtic. 9 milljónir punda eru 1,4 milljarðar íslenskra króna.

Brendan Rodgers skrifaði undir fjögurra ára samning við Celtic í apríl 2017 og fyrrnefnd upphæð var í þeim samningi samkvæmt heimildum Daily Telegraph.

Leicester paid £9 million compensation to Celtic to secure Brendan Rodgers and his staff @JPercyTelegraphhttps://t.co/8GmgLYVp2X

— Telegraph Football (@TeleFootball) March 14, 2019

 

Leicester tók ekki aðeins Brendan Rodgers frá skosku meisturunum heldur allt hans starfslið. Rodgers var búinn að vinna sjö titla á þremur tímabilum með Celtic og búinn að leggja grunn að þriðja meistaratitlinum í röð.

Mikið var látið með þegar Everton greiddi Watford 4 milljónir punda fyrir að fá knattspyrnustjórann Marco Silva. Upphæðin fyrir Brendan Rodgers er aftur á móti meira en tvöfalt hærri.

Brendan Rodgers mun stýra Leicester City í þriðja sinn á móti Burnley um helgina en liðið vann 3-1 sigur á Fulham um síðustu helgi eftir að hafa tapað fyrsta leiknum undir stjórn Rodgers.